Şymkenttegı №1 arnauly ortalyq köpfunksionaldy kereuettermen tolyqty

Şymkenttegı №1 arnauly äleumettık qyzmetter körsetu ortalyǧy kömekke mūqtaj, jasy on segızden asqan, I - II toptaǧy psihonevrologiialyq aurulary bar mümkındıgı şektelı azamattarǧa 8 baǧyt boiynşa qyzmet körsetedı. Qazırgı taŋda ortalyqta 220-dan astam mümkındıgı şekteulı jandar bar. Bügınde ortalyq köpfunksionaldy kereuetter arnaiy qūraldarmen qamtyldy. Būl jaŋadan satyp alynǧan medisinalyq kereuetter jyljytuǧa yŋǧaily bolu üşın aiaqtary döŋgelek tejeumen jabdyqtalǧan. Al köpfunksionaldy kereuettıŋ basty erekşelıkterı – nauqastyŋ yŋǧailylyǧy men jailylyǧy, tazalau men dezinfeksiialau jūmystarynyŋ oŋtailandyryluynda. Tösektı tazalau, dezinfeksiialau üşın palatanyŋ ışıne eş qiyndyqsyz jyljytuǧa bolady. Sonymen qatar, tösekte pasientterge kütım jasauǧa arnalǧan aksessuarlardyŋ ülken taŋdauy bar. Aita ketu kerek, barlyq talaptarǧa sai 110 oryndyq jaŋa ǧimarat 2017 jyly qoldanuǧa berıldı. Onda galereia, 2 psihologiialyq kömek körsetu kabinetı, defektolog kabinetı, därıgerler, akuşer-ginekologiialyq kabinet, stomatologiialyq kabinet, jaŋa zamanaui tehnikalarmen jabdyqtalǧan 3 medisinalyq beket, 96 oryndyq ashana, 2 trenajerlyq zal, yŋǧaily pandus qoiylyp, qolaily jaǧdailar jasalynǧan.