Memleket basşysy Qasym-Jomart Toqaev Täuelsızdık künıne orai memlekettık nagradalar tapsyru räsımınde elımızdıŋ qysqa merzım ışınde quatty memleketke ainalǧanyn atap öttı, dep habarlaidy «Adyrna» tılşısı.
«Barşaŋyzdy qasterlı Täuelsızdıgımızdıŋ 30 jyldyq mereitoiymen şyn jürekten qūttyqtaimyn! Būl – ūlt mereiın ösıretın ūlyq meiram.
Bız tarih tūrǧysynan alǧanda qysqa merzım ışınde jaŋa Qazaqstannyŋ negızın qaladyq. Tūǧyry berık, ekonomikasy quatty, bedelı biık memleketke ainaldyq. Mūnyŋ bärı, eŋ aldymen, Elbasy Nūrsūltan Äbışūly Nazarbaevtyŋ köregen saiasatynyŋ jemısı. Sonymen bırge, bükıl halqymyzdyŋ eren eŋbegınıŋ nätijesı.
Kez kelgen halyqtyŋ tabysqa jetuı azamattaryna bailanysty. Būl – ömırdıŋ zaŋy.
Adam kapitaly myqty memleket barlyq qiyndyqty eŋsere alady. Täuelsızdık kezeŋınde halqymyz eldıktıŋ bıregei ülgısın körsettı.
«Eŋbek – yrystyŋ būlaǧy, baqyttyŋ şyraǧy» dep beker aitylmaǧan. Şyn mänınde, bızdıŋ bügıngı jetıstıgımız – barşa halqymyzdyŋ ortaq jeŋısı.
Jaŋa Qazaqstandy örkendetuge azamattarymyzdyŋ köbı sübelı üles qosty. Bügıngı mereilı sätte elımızdıŋ barşa azamattaryna tabandy eŋbegı üşın zor alǧys aitamyn»,– dedı ol.
«Adyrna» ūlttyq portaly
