12 jeltoqsanda Nūr-Sūltan qalasynda Qazaqstan hokkei federasiiasynyŋ XIV respublikalyq konferensiiasy öttı. Būl turaly QHF baspasöz qyzmetı jazdy, dep habarlaidy «Adyrna» tılşısı.
Oǧan Atqaru komitetınıŋ müşelerı, öŋırlık filialdardyŋ, hokkei klubtarynyŋ jäne BJSM basşylary qatysty.
QHF Prezidentınıŋ 2016-2021 jyldar aralyǧyndaǧy jūmys turaly esebı, Federasiianyŋ jarǧysy men erejesı, ştattyq qūrylymy qaraldy, basqaru jäne baqylau organdarynyŋ sailauy ötkızıldı. Konferensiia qatysuşylarynyŋ bırauyzdan şeşımımen Asqar Mamin Qazaqstan hokkei federasiiasynyŋ prezidentı lauazymyna qaita sailandy.
A. Mamin öz sözınde qazırgı uaqytta erler arasyndaǧy älemdık reitingte Qazaqstan komandasy 19-dan 13-orynǧa köterılgenın atap öttı. Osy uaqyt ışınde qazaqstandyq qūrama komandalar 19 älem chempionatyna, Qysqy Aziia oiyndaryna, ekı qysqy Düniejüzılık Universiadaǧa, olimpiada ırıkteu turnirlerıne qatysyp, 14 medal jiyntyǧyn jeŋıp aldy.
QHF Prezidentı hokkei ligalarynyŋ, onyŋ ışınde jastar, äielder jäne äuesqoi ligalardyŋ joǧary damu qarqynyn, chempiondyq titul men Qazaqstan Respublikasynyŋ Kubogy üşın bäsekelestıktıŋ artqanyn atap öttı.
«Adyrna» ūlttyq portaly
