Şymkent qalasynda investisiia tartuǧa arnalǧan bes jyldyq jospar bekıtılıp, onyŋ aiasynda 2,6 trln. teŋge bolatyn 282 jobany ıske asyru közdelgen. Nätijesınde 20 myŋ jaŋa jūmys oryndary aşylmaq. Būl turaly qala äkımı Mūrat Äitenov Ortalyq kommunikasiialar qyzmetınde ötken brifingte mälımdedı.
«Aǧymdaǧy jyldyŋ 11 aiynda qalaǧa tartylǧan investisiia kölemı ötken jyldyŋ säikes kezeŋımen salystyrǧanda 55 paiyzǧa artyp, 392,4 mlrd. teŋgeden asty», — dedı M.Äitenov.
Qala basşysy şahar biudjetınıŋ kölemı megapolis bolǧaly 4 esege artqanyn atap öttı. Aǧymdaǧy jyldyŋ basynda qalanyŋ bekıtılgen biudjetı 388 mlrd. teŋge bolsa, qazır onyŋ kölemı 497 mlrd. teŋgege jetken nemese bır jyldyŋ ışınde biudjet qory 109 mlrd. teŋgege ūlǧaiǧan. Qarjylyq qordyŋ 45 paiyzy äleumettık salaǧa baǧyttalsa, 25 paiyzy damu jobalaryna bölıngen.
Biudjet qarajatyn ūlǧaitu arqyly qaladaǧy bırşama özektı mäseleler şeşımın tauyp keledı. Sonyŋ ışınde biudjettı josparlauda aşyqtyqty qamtamasyz etude Memleket basşysy ūsynǧan «Halyq qatysatyn biudjet» jobasy jaqsy täjıribege ainalǧan. «Halyq qatysatyn biudjet» jobasyn ıske asyru aiasynda biylǧy jyly 66 jobaǧa 1,3 mlrd. teŋge qarjy bölıngen. Būl jūmystar kelesı jyly da jalǧasyn tauyp, Prezident tapsyrmasyna säikes abattandyru jäne tūrǧyn üi-kommunaldyq şaruaşylyǧy biudjetındegı «halyq qatysatyn» üles 10 esege artpaq.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz