3 myŋ qazaqstandyqtyŋ qatysuymen Änūranǧa erekşe beinebaian tüsırıldı (VİDEO)

Qazaqstan ūlttyq arnasy Täuelsızdıktıŋ 30 jyldyǧyna erekşe syi jasady. Şyǧarmaşylyq top 3 myŋ adamnyŋ qatysuymen Memlekettık Änūranǧa beinebaian tüsırdı, dep habarlaidy "Adyrna" portaly Stan.kz-ke sıltep.

Joba Qazaqstan azamattarynyŋ patriottyq sezımın köterıp, el men jerge süiıspenşılıgın arttyru maqsatynda qolǧa alynǧan. Kompozitor Syrym Nabikulovtyŋ aituynşa, Änūrandy üşke bölu ūtymdy şeşım bolǧan. "Bırınşı bölıkte lirikaǧa köŋıl bölsek, keiın dästürlı, folklorlyq muzykaǧa auystyq. Osy arqyly öz tarihymyzǧa qūrmet körsetkımız keldı. Sosyn ärine, resmi - marş bölıgı", - dedı kompozitor. Beinebaianǧa QR Ūlttyq qauıpsızdık komitetı Şekara qyzmetı jäne QR Ūlttyq Ūlanynyŋ 180 sarbazy, "Astana Opera" memlekettık opera jäne balet teatry men Nūr-Sūltan qalasy äkımdıgı Memlekettık akademiialyq  filarmoniiasynyŋ 120 ärtısı, "Qazaqstan" teleradiokorporasiiasynyŋ 150 qyzmetkerı jäne öŋır jastary, studentter, sala mamandary men qarapaiym el tūrǧyndary qatysty. Tüsırılım jūmystary Nūr-Sūltan, Almaty, Aqtau, ruhani astana-  Türkıstan qalalarynda jürgızılıp, negızgı körınıske elordadaǧy "Qazaq Elı" monumentı, "Astana Opera" memlekettık opera jäne balet teatry, Qazaqstan Respublikasynyŋ Ūlttyq muzeiı, "Qazmedia" ortalyǧy" teleradiokeşenı, Almatydaǧy Respublika alaŋy, Äl-Farabi atyndaǧy Qazaq Ūlttyq universitetı, "Köktöbe" demalys keşenı, Türkıstandaǧy "Keruen sarai" turistık keşenı, Qoja Ahmet Iаsaui qoryq-mūrajaiy, Kaspii teŋızı men Almaty oblysynyŋ Şaryn şatqaly, Aqmola oblysyndaǧy Burabai ūlttyq  parkı jäne Maŋǧystau oblysynyŋ Aqespe tauy alyndy. Änūrandy el tūrǧyndarymen bırge opera jäne estrada änşılerı S.Baiǧojin, A. Jyltyrközov. J.Şybyqbaev,  N.Üsenbaeva, E.Visinskaia, T.Zabirova, A.Balajanova, M.Salyqov,  K.Tölenbaeva, O.Altynbekov, B.Qilymhan,  M.Anarbek,  E.Narimanūly oryndady. Sonymen bırge, beinebaianǧa QR Syrtqy ıster ministrlıgımen bırlese AQŞ, Türkiia, Resei, Qytai elınde qyzmet etıp jäne bılım alyp jürgen el azamattary men osy elderdegı qandastar toptastyryldy. Beinebaian Korporasiiaǧa  qarasty "Qazaqstan", "Abai tv", "Balapan", "Qazsport" telearnalary men 14 aimaqtyq arna efirınen 15 jeltoqsannan bastap kün saiyn körsetıledı. https://youtu.be/Lbdus4ySlG0