Senat töraǧasy Mäulen Äşımbaev jūmys saparymen Almaty oblysyna keldı. Sapar barysynda ol Täuelsızdıktıŋ 30 jyldyǧyna arnalǧan saltanatty ıs-şaraǧa qatysty, dep habarlaidy QazAqparat.
Jetısu jūrtşylyǧymen kezdesude Senat spikerı Qazaqstannyŋ täuelsız memleket retınde qalyptasuynyŋ negızgı kezeŋderıne jäne elımızdıŋ 30 jylda qol jetkızgen jetıstıkterıne toqtaldy.
Mäulen Äşımbaev osy jyldar ışınde elımız şekarany şegendep, jaŋa ekonomikalyq jüiege köşıp jäne ony nyǧaityp, memlekettık instituttardyŋ berık negızın qalaǧanyn aitty.
«Elbasynyŋ tarihi şeşımımen Arqa törınde jaŋa elordamyzdy tūrǧyzdyq. Astanany salu tūtas eldıŋ ekonomikasyna multiplikativtı äserın tigızdı. Qazırgı taŋda Nūr-Sūltan qalasy barlyq sala men öŋırge qan jügırtken elımızdıŋ naǧyz jüregıne ainaldy», – dedı Senat töraǧasy.Mäulen Äşımbaev Täuelsızdık alǧaly Almaty oblysynyŋ ösıp-örkendegenın jäne osy kezeŋde öŋır tūrǧyndarynyŋ tūrmystyq jaǧdaiy artqanyn tılge tiek ettı. Aimaqta ırı käsıoryndar boi köterıp, myŋdaǧan jūmys orny aşylǧanyna nazar audardy. Sondai-aq Senat töraǧasy Prezident Qasym-Jomart Toqaevtyŋ elımızdı jaŋǧyrtu baǧdary Qazaqstannyŋ damuyna tyŋ serpın bergenın jäne sonyŋ aiasynda saiasi, äleumettık reformalardy ıske asyruǧa jol aşylǧanyn jetkızdı.
«Saiasi bäsekenıŋ nyǧaiuyna yqpal etken maŋyzdy şeşımder qabyldandy. Äleumettık salany damytuǧa aitarlyqtai nazar audaryldy. Mūǧalımderdıŋ, medisina, mädeniet qyzmetkerlerınıŋ jalaqysy edäuır ūlǧaidy. Ūstazdardyŋ märtebesı östı. Mügedekterdı qoldau baǧytyndaǧy zaŋnamalyq baza nyǧaia tüstı. Ekonomikany ärtaraptandyru ısı jaŋa qarqynmen jalǧasyn tapty», – dedı Mäulen Äşımbaev.Saltanatty ıs-şara barysynda Almaty oblysynyŋ äkımı Qanat Bozymbaev ta söz söilep, Täuelsızdık künı memlekettılık pen halyq bırlıgınıŋ jarqyn körınısı ekenın aitty.
«Osy jyldar ışınde zor mümkındıkterge jol aşyldy, auqymdy bastamalar ıske asyryldy. Elbasynyŋ saliqaly saiasatymen ıske asyrylǧan ūlan-ǧaiyr ısterdı qazır Prezidentımız Qasym-Jomart Toqaev jalǧastyryp keledı. Tarihqa taǧzym etu, tūlǧalardy tanu, eldıktı qūrmetteu, täuelsızdıktı odan ärı nyǧaitu – bärımızge artylǧan ülken mındet, bügıngı ūrpaqtyŋ perzenttık paryzy. Būl rette qarapaiym azamattardyŋ memleket damuyna qosqan ülesı zor. Olar eldıŋ erteŋıne sendı, kündız-tünı tynymsyz eŋbek ettı, tabandylyq tanytty. Sonyŋ bärı Täuelsızdıgımızdı nyǧaituǧa öz septıgın tigızdı», – dedı Qanat Bozymbaev.Sonymen qatar Senat töraǧasy men oblys äkımı Jetısu jūrtşylyǧyn Täuelsızdıktıŋ 30 jyldyǧymen qūttyqtap, Prezident atynan elımız ben osy öŋırdıŋ damuyna ülken üles qosqan azamattarǧa memlekettık nagradalardy tapsyrdy. Mäulen Äşımbaev oblysqa sapary aiasynda «Taldyqorǧan» jüzu basseinıne jäne I.Jansügırov atyndaǧy Jetısu universitetınıŋ Studentter üiıne arnaiy atbasyn būrdy. Odan bölek, jergılıktı Täuelsızdık qūrdastarymen kezdesıp, egemendıktıŋ 30 jylynda atqarylǧan jūmystyŋ bärı, eŋ aldymen, öskeleŋ ūrpaqty qoldauǧa baǧyttalǧanyn aitty. Täuelsızdıktı közımızdıŋ qaraşyǧyndai qorǧau, ony qadırleu jäne nyǧaitu barşa qazaqstandyqtyŋ eŋ basty mındetı ekenın, būl rette, äsırese, jastarǧa ülken jauapkerşılık jükteletının de tılge tiek ettı. «Bügın sızder 2050 jyldyŋ jastary üşın hat äzırlep otyrsyzdar. Elımız osy ǧasyrdyŋ ortasyna qarai älemnıŋ eŋ damyǧan 30 elınıŋ qataryna qosyludy maqsat etıp qoidy. Būl hatty sol ülken eldık maqsatymyz oryndalǧan qoǧamnyŋ jastary oqidy dep senemız. Al bügıngı jas buyn sol jarqyn qoǧamdy qalyptastyru üşın aianbai eŋbek etuı kerek. Jastarymyz būl mındettı abyroimen atqarady dep senemız», – dedı Mäulen Äşımbaev.
