Täuelsızdık alǧaly 30 jyldyŋ ışınde auyl şaruaşylyǧy qalai damydy?

Elımız Täuelsızdık alǧaly 30 jyldyŋ ışınde auyl şaruaşylyǧy qandai jetıstıkterge jettı? Jäne bügınde atalǧan sala qalai damyp jatyr? Osy mäselege qatysty «Auyl» partiiasynyŋ töraǧasy, QR Parlamentı Senatynyŋ deputaty Äli Bektaev pıkır aitty. «Aldymen agroönerkäsıp jäne agrokeşen boiynşa zaŋnamany qalyptastyrdyq. Bügınde zaŋ jaǧynan kınärat joq, halyqaralyq talaptarǧa tolyq säikes keledı. Al ol onyŋ tiıstı deŋgeide oryndaluy bölek mäsele. Ekınşı ırı jetıstık, mal şaruaşylyǧyna qatysty. Atap aitqanda, otandyq mal tūqymyn tazaladyq. Bızdegı ırı, ūsaq bolsyn maldyŋ tūqymy taza. Sondyqtan da alys-jaqyn şetelden Qazaqstannyŋ malyna degen sūranys joǧary. Auyl şaruaşylyǧy salasyndaǧy üşınşı jetıstık, 2003-2005 jyldary QR Tūŋǧyş Prezidentı, Elbasy Nūrsūltan Nazarbaevtyŋ bastamasymen elımızde «Auyl jyly» atalyp ötıldı. 3 jyldyq auyldy damytu memlekettık baǧdarlamasynyŋ negızınde köptegen auylǧa aitarlyqtai jan bıttı. Onyŋ ışınde infraqūrylym, jūmys, tūrǧyn üi, mektep, auruhana jäne auyl äleuetı dami tüstı», - deidı ol. Senat deputatynyŋ aituynşa, auyl men auyl şaruaşylyǧyn damytu baǧytyndaǧy jūmys jalǧasyn tabady. «Bügınde «Auyl - el besıgı» jobasy ıske asyp jatyr. Odan bölek, auyl şaruaşylyǧyn ılgerıletuge arnalǧan ūlttyq joba bar», - dedı Ä. Bektaev. Aita ketsek, bügın elordada «Täuelsızdık jäne Qazaqstannyŋ agroönerkäsıp keşenınıŋ damuy» taqyrybynda konferensiia ötıp jatyr. Respublikalyq konferensiia Täuelsızdıgınıŋ 30 jyldyǧyna arnalyp, «30 igı ıs» aksiiasynyŋ aiasynda ūiymdastyrylyp otyr. Jäne oǧan Senat deputattary, qūzyrly memleketık organ ökılderı men auyl şaruaşylyǧy salasy mamandary qatysyp jatyr. Atalǧan şara «Auyl» partiiasynyŋ ūiytqy boluymen ūiymdastyryldy.