Almaty äkımı Baqytjan Saǧyntaev, onyŋ orynbasarlary, audan äkımderı, qoǧam qairatkerlerı, jeltoqsan jäne jastar ūiymdarynyŋ ökılderı 1986 jylǧy jeltoqsan oqiǧalarynyŋ qūrbandaryn eske aldy, dep habarlaidy “Adyrna” ūlttyq portaly Zakon.kz saityna sılteme jasap.
Almaty qalasy äkımdıgı baspasöz qyzmetınıŋ habarlauynşa, eskertkışke gül qoiu räsımınen keiın jinalǧandar sol oqiǧalarda qaza bolǧandardy bır minut ünsızdıkpen eske aldy. Dın ökılderı eske alu üşın qūran oqydy. Osydan soŋ jeltoqsanşylarǧa arnaiy as ūiymdastyryldy.
«Täuelsızdık taŋy» monumentı 2006 jyly Tūŋǧyş Prezident – Elbasy N. Nazarbaevtyŋ qatysuymen Jeltoqsan-Sätbaev köşelerınıŋ qilysynda aşylǧanyn, jastar armandaǧan Täuelsız Qazaqstanda ömır sürıp jatqanymyz erekşe atalyp ötıp edı.
Memleket basşysy Q. Toqaevtyŋ jeltoqsanşylardyŋ erlıgın mäŋgı este qaldyru turaly tapsyrmasyna säikes Almatyda sol oqiǧalardyŋ qūrmetıne «Jeltoqsan» dep atalatyn saiabaq aşyldy. Sonymen qatar, osy saiabaqta ornatylatyn eskertkıştı daiyndauǧa şyǧarmaşylyq baiqau jariialandy.
Aita ketsek, 1986 jylǧy 17-18 jeltoqsanda Almatyda KOKP OK Bas hatşysy Mihail Gorbachevtıŋ Qazaqstan Kompartiiasynyŋ bırınşı hatşysy Dınmūhamed Qonaevty qyzmetınen bosatuy jäne onyŋ ornyna Qazaqstanda būryn-soŋdy jūmys ıstemegen Ulianov obkomynyŋ bırınşı hatşysy Gennadii Kolbindı äkeluı turaly şeşımıne bailanysty tolqular bastaldy. Jinalǧandar el basşysy lauazymyna baiyrǧy halyqtyŋ ökılın taǧaiyndaudy talap ettı. Miting jappai tärtıpsızdıkterge ūlasty.
“Adyrna” ūlttyq portaly
