Kabulda bır top äiel köşege şyqty. Joqşylyqtan sıŋırı şyqqan olar tälıp jasaǧynan qorqudy da qoiǧan, dep habarlady “Adyrna” ūlttyq portaly 24.kz saityna sılteme jasap.
Äielder «Taliban» (Qazaqstanda tyiym salynǧan ūiym) bilıgınen jūmys ısteuge kedergı jasamaudy talap ettı. Olar köşege «Tamaq, jūmys, bostandyq» jäne «Auǧanstandy opattan qūtqaryŋdar» degen ūran köterıp şyqqan.
Belsendılerdıŋ aituynşa, memlekettık qyzmette ıstep kelgen äielder qazır üide otyr. Sondai-aq eldıŋ köp bölıgınde qyzdardyŋ mektepke baruyna tyiym salynǧan. Aşynǧan äielder «Jaǧdai būlai bola berse, bärımız aştan qatamyz» deidı.
«Otbasymyzdy asyrauǧa bır tılım nan taba almai otyrmyz. Kündelıktı qajettı ūn men sūiyq mai satyp aluǧa kök tiynymyz joq. Ükımetten eş qairan joq. Jaǧdaiymyz öte qiyn», – dep aşyndy ereuılşılerdıŋ bırı Marjan Ahmadi.
“Adyrna” ūlttyq portaly
