«Qasiettı Qazaqstan» ǧylymi-zertteu ortalyǧynyŋ basşysy Berık Äbdıǧaliūly Memleket basşysy Nūrsūltan Nazarbaevtyŋ jariialaǧan bes äleumettık bastamasy turaly pıkırın bıldırdı, dep habarlaidy «QazAqparat» HAA tılşısı.
«Bırınşıden aitarym, Elbasy sözınıŋ soŋynda eldegı tūraqtylyqty tılge tiek ete kele, qazaq ūltynyŋ jauapkerşılıgı turaly aitty. Iаǧni, Memleket basşysy qazaq ūltynyŋ märtebesın erekşe atap öttı. Būl - basqa ūlttardyŋ därejesın tüsıru degendı bıldırmeidı. Iаǧni, Qazaqstannyŋ tūraqtylyǧy eŋ aldymen qazaq ūltyna bailanysty. Qazaqstandaǧy orys, ūiǧyr, nemıs nemese kärıs bolsyn, bärınıŋ yntymaǧyna eŋ bırınşı qazaqtar jauapty. Öitkenı, qazaq ūlty osy eldıŋ de, jerdıŋ de iesı. Qazaqstanda bärı de tatu-tättı ömır sürıp, eşkım eşkımmen kikıljıŋge kelmeuı kerek. Eşkım de teŋsızdıktı sezınbeuı tiıs. Qazaqstandaǧy ūlttardyŋ bärı de bır-bırıne dos-bauyr. Sondyqtan, Prezident öz sözınde qazaqtardyŋ ūlttyq jauapkerşılıgın aiqyndap berdı dep esepteimın», - dedı Berık Äbdıǧaliūly.
«Qasiettı Qazaqstan» ǧylymi-zertteu ortalyǧynyŋ basşysy sonymen qatar, äleumettık bastamalardyŋ maŋyzdylyǧyna toqtaldy.
«Äleumettık bastamalardyŋ qai-qaisysy da eŋ özektı mäselelerdı qamtyp otyr. Eŋ bırınşıden, tūrǧyn üi mäselesınıŋ maŋyzy zor. Bızdıŋ bärımız şetelde üi alu kezınde paiyz az dep jatamyz. Endıgı kezekte Qazaqstan da üi alu kezındegı paiyzdyq mölşerlemenı 7 paiyzǧa tüsırıp jatyr. Alǧaşqy jarna 20 paiyz bolyp, 25 jylǧa bölıne tölenetın üidıŋ baǧasymen künı erteŋ köp adamnyŋ baspanaly boluǧa mümkındıgı arta tüsedı. Sondyqtan, menıŋ oiymşa, būl bastamany halyq erekşe quana qabyldaǧan sekıldı. Salyqty tömendetıp, memlekettıŋ «är adamnyŋ tabysy özınde qalsyn» degen ūstanymyn da airyqşa atap ötkım keledı», - deidı ol.
Berık Äbdıǧaliūly oqu bıtırgen tülekterdıŋ bırşamasy keide oquǧa tüse almai qinalyp jatatynyn, osyǧan bailanysty bölınetın qosymşa 20 myŋ grant mäselenı şeşetının eske saldy. «20 myŋ adam qosymşa bılım aluǧa mümkındık alady. Ükımet taǧy da qarjylandyraiyn dep jatyr. Äsırese tehnikalyq mamandyqtarǧa basa den qoiyluda. Sonyŋ bärıne 20 myŋ grant bölu degen - daryndy jastardyŋ jolyn aşady dep bılemın. Grant bölıp qana qoimai, jataqhana mäselesı de nazardan tys qalǧan joq. Äsırese, öŋırlerde tūratyn jastarǧa būl keremet mümkındık. Jataqhana tūrǧyzylsa, bükıl jetıspeuşılık mäselesı şeşıledı. Käsıppen ainalysam degenderge qosymşa 20 mlrd teŋge bölıngelı otyr. Käsıbın bastaimyn degenderge būl öte ülken qoldau», - deidı Berık Äbdıǧaliūly.
Berık Äbdıǧaliūlynyŋ paiymdauynşa, qalalarǧa gaz tartu jūmysy baǧytynda jasalǧan qadamdar ekologiialyq mäselelerdı şeşuge yqpal etedı. Qaraǧandy, Temırtau, Jezqazǧan, Astanaǧa jetetın gaz baǧa tūrǧysynan da halyqqa yŋǧaily bolyp keledı.
«Elbasy äleumettık qūndylyqqa, bırlık pen ädılettılıkke män berıp otyr. Iаǧni, Memleket basşysy «Ruhani jaŋǧyrumen» bırge, äleumettık jaŋǧyrudyŋ kezegı kelgenın bıldırdı. Būnyŋ bärı tūtas ūltymyzdyŋ, elımızdıŋ damuyna serpın bererı sözsız», - dep tüidı Berık Äbdıǧaliūly.
Eske sala ketsek, Qazaqstan Prezidentı Nūrsūltan Nazarbaev Parlament palatalarynyŋ otyrysynda bes äleumettık bastamany jariia etken bolatyn.
El Prezidentı öz sözınde «El bırlıgı - eŋ bırınşı qazaqtyŋ özıne kerek» ekenın atap ötken edı.
«Bügıngı bastamalar elımız tūtas, qoǧamymyz tūraqty bolǧanda ǧana tabysty jüzege asady. Ötken 26 jyl täuelsızdık ışınde bız osy qaǧidany ūstanǧandyqtan ǧana belesterdı eŋserdık. Al el bırlıgı - eŋ bırınşı qazaqtyŋ bırlıgı ekenın aityp kelemın. Jahandyq köştıŋ basynda jüretın mereilı el bolu üşın bırlık pen yntymaq aldymen elımızge, qazaqqa kerek», - dedı Memleket basşysy.
http://www.inform.kz
