Ǵalymdar áıelder úshin alkogoldi shamadan tys tutynýy úshin bir ǵana stress faktory jetkilikti ekenin anyqtady. Bul týraly maqala Psychology of Addictive Behaviors jýrnalynda jarııalanǵan.
Zertteýdi Djýlı Patok-Pekhem bastaǵan Arızona ýnıversıtetiniń ǵalymdary júrgizdi. Tájirıbe barysynda qatysýshylar stresstik jáne stresstik emes kúıde otyryp, trenajer barynda alkogol ishken. Bir ǵana stress faktory erkekterdi emes, áıelderdi kóp ishýge májbúr etken.
«Keıbir adamdar bir nemese eki bokal iship, sonymen qoıýy múmkin, biraq áıelderdiń kóbi ózderi belgilegen shekti ustaı almaıdy. Ishimdikke baqylaýdy joǵaltý alkogol problemalarynyń eń alǵashqy kórsetkishteriniń biri bolyp tabylady jáne ondaǵy stresstiń róli salystyrmaly túrde az zerttelgen», - deıdi maqala avtorlary.
Zertteýge kúızeliske ushyraǵan jáne psıhıkasy men deni saý 105 er adam men 105 áıel qatysqan. Olar kezdeısoq túrde toptarǵa bólingen: olardyń birine basynda alkogoldik sýsyndar, ekinshisine alkogolsiz sýsyndar beriledi. Sodan keıin qatysýshylar 90 mınýt boıy barǵa shekteýsiz qol jetkize alady.
Nátıjesinde kúızeliske ushyraǵan adamdardyń tym kóp ishýge beıim ekendigi anyqtaldy, biraq bul jerde aıtarlyqtaı jynystyq aıyrmashylyq bar. Máselen, stresske ushyraǵan erler bastapqy sýsyndardan aldyn ala mas bolǵan jaǵdaıda ǵana ishýge beıim bolǵan. Eger bastapqy sýsyndar alkogolsiz bolsa, onda alkogoldy tutynýdyń stresske táýeldiligi az. Al áıelder úshin bulaı bolmady: olardyń jaǵdaıynda bastapqyda ne ishkeni mańyzdy emes.
«Adyrna» ulttyq portaly.
