Täuelsızdıktıŋ 30 jylynda 250-den astam otandyq serial tüsırılgen. Būl turaly QR Aqparat jäne qoǧamdyq damu ministrı Aida Balaeva Kazmedia ortalyǧyndaǧy Qazaqstan telearnasy tüsırgen 6 tarihi serialdyŋ tanystyrylymynda aitty.
«Täuelsızdık kezeŋınde memleketımız qandai qiyn jaǧdai bolsa da, önerge, sonyŋ ışınde kino önerıne erekşe qamqorlyq tanytyp otyrdy. Esterıŋızde bolsa, eŋ bırınşı otandyq serial «Toǧysqan taǧdyrlar» degen atpen körermenge jol tartqan edı. Osy önımderden lep alyp, keiın talai serialdar tüsırıldı. Olardyŋ ışınde sapalysy da, sapasy tömenderı de boldy. Halyqtyŋ synyna ūşyraǧandary da bar. Otandyq önımderdı maqtauşylar da, dattauşylar da tabylady. Bıraq, mūnyŋ bärı osy salanyŋ qalyptasyp, damuyna septıgın tigızdı. Sol jobalar arqyly östık, täjıribe jinadyq, sapany köterdık», - dedı ministr.
Vedomstvo basşysynyŋ sözıne qaraǧanda, Täuelsızdıktıŋ 30 jylynda qazaq kino industriiasy öz jolyn tapqan.
«Kino industriiasy, sonyŋ ışınde serialdar industriiasy jyldan-jylǧa qarqyn alyp keledı. Keiıngı 5 jyldyŋ ışınde 3500-den astam seriiadan tūratyn 250-ge juyq serial tüsırıldı. Onyŋ 50-den astamy Türkiia, Özbekstan, Qyrǧyzstan, Resei memleketterınde satyldy. Osydan 10 jyl būryn serial daiyndaityn prodakşn kompaniialar sausaqpen sanaityn edık. Qazır būl saladaǧy bäseke öte joǧary. Mysaly, biyl ötken Astana Media Week jobasyna serial janrynda qatysqysy kelgen 100-den astam prodakşn kompaniiadan ötınış tüstı. Būl salanyŋ kündelıktı damyp jatqanyn körsetedı», - dedı Aida Balaeva.
«Adyrna» ūlttyq portaly.
