Qyzmetınen bosatylǧan būrynǧy densaulyq saqtau ministrı Aleksei Soi densaulyq saqtau salasyn ǧylym men äleumettık bastamalar arqyly damytudy qolǧa alǧanyn mälımdedı, dep habarlaidy "Adyrna" ūlttyq portaly.
- Bügın menıŋ azamattyq sektorǧa auysu jäne ǧylym men äleumettık bastamalar arqyly densaulyq saqtaudy damytu turaly şeşımım qoldau tapty, - dep jazdy Soi äleumettık jelıdegı paraqşasynda.Ol memleket basşysy COVID-19 boiynşa jaǧdaidy tūraqtandyrudy, densaulyq saqtau jüiesınıŋ äleuetın arttyrudy tapsyrǧanyn aitty.
-Bız epidemiologiialyq qauıp-qaterge qarsy tūru şaralaryn qabyldadyq: är öŋırde jaŋa infeksiialyq auruhanalar salyndy, jedel järdem kölıgı parkı, jasandy tynys alu apparattary, auyldaǧy jyljymaly medisinalyq keşender jaŋartyldy, otandyq farmasevtika önerkäsıbı önım şyǧaru boiynşa joǧary körsetkış körsetıp keledı, därıler men medisinalyq būiymdardyŋ qajettı qory jasaqtaldy, SES pen zerthana qyzmetınıŋ äleuetı artty, QazVac vaksinasy şyǧaryldy. Az uaqyt ışınde densaulyq saqtau salasy nyǧaidy, bız jüielı türde medisina qyzmetkerlerınıŋ jalaqysyn köterdık, qylmystyq-atqaru jüiesı komitetı medisinalyq qyzmetın densaulyq saqtau ministrlıgıne ötkızu turaly jäne basqa da köptegen zaŋ jobasyn äzırledık, - dep şolu jasady Soi atqarylǧan jūmystarǧa.Sondai-aq Soi "Denı sau ūlt" ūlttyq jobasy bekıtılgenın, düniejüzılık densaulyq saqtau ūiymy, IýNİSEF jäne BŪŪ-nyŋ basqa da agenttıgımen önımdı ärıptestık jolǧa qoiylǧanyn aityp öttı.
- El basşylyǧyna, prezident äkımşılıgıne, premer-ministrge, ükımettegı ärıptesterıme, densaulyq saqtau ministrlıgıne, barlyq jergılıktı atqaruşy organdarǧa, azamattyq sektorǧa, BAQ-qa, erıktılerge, ükımettık emes ūiymdarǧa jäne qymbatty medisina qyzmetkerlerıne senım bıldırgenı jäne Qazaqstan halqynyŋ igılıgı üşın bırlesıp atqarǧan orasan zor jūmysy üşın alǧysymdy bıldıremın. Jaqyn arada eŋbek jolynyŋ jaŋa vektoryn anyqtaimyz. Alda jaŋa jobalar kütıp tūr, - dep tüiındedı Soi.Aita keteiık, 2021 jyldyŋ 20 jeltoqsanynda memleket basşysy Aleksei Soidy densaulyq saqtau ministrı qyzmetınen bosatu turaly jarlyqqa qol qoidy.
"Adyrna" ūlttyq portaly
