Türkiia qazaqtary täuelsızdıktıŋ 30 jyldyǧyn atap öttı

Türkiia qazaqtary qūrǧan ūiymdardyŋ bırı – Qazaqkent Altai qauymdastyǧynyŋ ūiytqy boluymen qazaq diasporasy Ystanbūlda Täuelsızdıktıŋ 30 jyldyǧyna arnalǧan merekelık ıs-şara ötkızdı. Qandastarymyzdyŋ küşımen jäne Qazaqstannyŋ Ystanbūldaǧy Bas konsuldyǧynyŋ qoldauymen ötkızılgen ıs-şara merekelık konsertpen bastalyp, qonaqtarǧa ūlttyq taǧamdardyŋ ūsynyluymen jalǧasty. Sondai-aq, şara aiasynda Ystanbūldaǧy jas qandastar futboldan jarys ötkızdı. Ystanbūl qazaqtarynyŋ basqosuynda Bas konsul Älım Baiel diasporanyŋ belsendı ökılderıne alǧys hattar men estelık syilyqtar tabystady. Jyraqta jürse de, atajūrttyŋ azattyǧy men örkendeuıne qaşan da tılektes bolyp jürgen alystaǧy aǧaiyn Qazaq elınıŋ özderıne körsetken qamqorlyǧy üşın alǧys bıldırdı. Sonymen qatar, aituly merekenı qandastarmen toilau aiasynda Bas konsul Ä. Baiel qazaq diasporasy qūrǧan taǧy bır ūiym – Qoja Ahmet Iаsaui ǧylym jäne parasat qorynda diaspora ökılderımen kezdesıp, Täuelsızdık jäne qazaq-türık yntymaqtastyǧy jönınde äŋgıme qūrdy. Jalpy, Täuelsızdıktıŋ 30 jyldyǧyna orai, alyp şaharda jyl basynan berı bırtalai şara öttı. Atap aitqanda, Abai alaŋy men eskertkışı aşylyp, Düniejüzı qazaqtary qauymdastyǧynyŋ kışı qūryltaiy öttı. Sonymen qatar, Qazaqstan täuelsızdıgınıŋ 30 jyldyǧyna arnalǧan kümıs estelık moneta basyldy. Būdan bölek, Mūstafa Öztürık atyndaǧy saiabaq aşyldy. Qazaqtyŋ önerı men mädenietın, elımızdıŋ äleuetın tanystyru maqsatynda Tättımbet atyndaǧy orkestrdıŋ konsertı, «Ūlytau» tobynyŋ konsertı, «Alatau» teatrynyŋ «Altybaqan» oiyn-sauyq keşı, «Tomiris» jäne «Qazaq handyǧy» filmderınıŋ körsetılımı, «Ordaly eldıŋ 30 jyly» jetıstıkter körmesı, «Täuelsızdıktıŋ 30 jyly jäne investisiialyq mümkındıkter» döŋgelek üstelı ūiymdastyryldy. Sondai-aq, qazaqstandyq studentterdıŋ slioty ötıp, Ystanbūlda bılım alyp jatqan jastardyŋ «Bırlık» ūiymy qūryldy.