22 jeltoqsanda QR Ulttyq mýzeıi Ǵylymı kitaphanasynda Táýelsizdiktiń 30 jyldyǵy jáne Qajymuqan Muńaıtpasulynyń 150 jyldyǵyna arnalǵan mádenıettanýshy-lıngvıst Abylaıhan Qalnazarovtyń «Balýan tas. Balýandar men kúres ónerine baılanysty ańyz-áfsanalar, qıssa-dastandar, el aýzyndaǵy áńgimeler (tarıhı derekter)» atty eki tomdyq avtorlyq-jınaq kitabynyń tusaýkeseri ótedi, dep habarlaıdy "Adyrna" ulttyq portaly.
Kitapqa qazaq halqynyń balýandary men kúres ónerine qatysty ańyz-áfsanalary, qıssa-dastandary, el aýzyndaǵy áńgimeler, keıbir jekelegen tarıhı derekter engizilgen. Basty mazmundy aty ańyzǵa aınalǵan alapat kúsh ıeleri men olardyń balýandyq jolyndaǵy tosyn hıkaıalary men oqıǵalary, sheshendik sózderiniń shoǵyry quraıdy. Munda qazaqsha kúres pen jekpe-jek dástúri kóshpendi qoǵamnyń azamattyq qundylyqtary turǵysynan qarastyrylǵan.
Kitap jańalyǵy – ulttyq sport pen degdarlyq mádenıet týraly jańa kózqaras qalyptastyrady. Sonymen qatar baıandalǵan oqıǵalardyń tanymdyq-patrıottyq turǵyda mańyzy asa zor.
Is-sharaǵa Y.Altynsarın atyndaǵy Ulttyq bilim akademııasynyń prezıdenti Ǵanı Beısembaev, Qazaqstan barysy Erjan Shynkeev jáne basqa da tanymal tulǵalar men estrada juldyzdary, bilim-ǵylym, BAQ jáne sport salasy ókilderi qatysady dep kútilýde.
Kitap túrkistandyq «Balaýsa» sharýaqojalyǵynyń basshylary Mamyraıhan Qalnazarov pen Meıirhan Qalnazarovtyń demeýshiligimen jaryq kórip otyr.
Meken-jaıy: Nur-Sultan, QR Ulttyq mýzeıi Ǵylymı kitaphanasy zaly, Táýelsizdik dańǵyly, 54
Merzimi: 2021 jyldyń 22 jeltoqsany, saǵat: 15.00
"Adyrna" ulttyq portaly
