Qazaqstan Respublikasy Täuelsızdıgınıŋ 30 jyldyǧyna orai 16 jäne 17 jeltoqsanda düniege kelgen närestelerge Memleket basşysynyŋ atynan «Süiınşı» baby-bokstary tabys etıldı dep habarlaidy "Adyrna" ūlttyq portaly.
Elorda äkımdıgınen mälım etkendei, Nūr-Sūltanda 16 jäne 17 jeltoqsan künderı 150-den astam säbi düniege keldı. Eske salaiyq, «Süiınşı» syilyq jinaǧyna «Täuelsız Qazaqstanǧa 30 jyl» estelık monetasy, tuu turaly kuälık, jas ata-analarǧa arnalǧan aqparattandyru broşiuralary, jaŋa tuǧan närestege arnalǧan türlı kerek-jaraqtar men gigiena qūraldary kıredı. «Süiınşı» syilyq qoraptarynda säbilerge arnalǧan eŋ qajettı tauarlar bar. Onda Qazaqstan Respublikasynyŋ Prezidentı Qasym-Jomart Toqaevtyŋ atynan qūttyqtau hat, el Täuelsızdıgınıŋ 30 jyldyǧyna orai şyǧarylǧan estelık moneta jäne balanyŋ tuu turaly kuälıgı berılgen. Perzenthanadan şyǧyp ülgergenderge syilyqtary «Qazpoşta» arqyly üilerıne jetkızıldı.Bızdıŋ qyzmetkerler perzenthanalardy aralap, bosanǧan äielderden balanyŋ tuu turaly kuälıgın aluǧa tıkelei ötınış aldy. Mälımetter atalǧan qūjattardy daiyndau üşın AHAT organdaryna jıberıldı. Mereke künderı HQO, AHAT bölımderı, medisinalyq mekemeler, «Qazpoşta» qyzmetkerlerı osy bokstardy daiyndau üşın jūmys ıstedı», – dep habarlady «Azamattarǧa arnalǧan ükımet» memlekettık korporasiiasynyŋ Nūr-Sūltan qalasy boiynşa filialy direktorynyŋ orynbasary Sabina Tauan.
Adyrna" ūlttyq portaly.
