Densaulyq saqtau ministrlıgı basşysynyŋ mındetın vise-ministr Jandos Bürkıtbaev atqarady, dep habarlaidy "Adyrna" ūlttyq portaly sputnik.kz-ke sılteme jasap.
Densaulyq saqtau ministrınıŋ mındetın atqaru densaulyq saqtau vise-ministrı Jandos Qonysūly Bürkıtbaevqa jüktelsın, - delıngen premer-ministr qol qoiǧan qūjatta.Aita keteiık, 20 jeltoqsanda memleket basşysy Aleksei Soidy densaulyq saqtau ministrı qyzmetınen bosatu turaly jarlyqqa qol qoidy. Sodan keiın densaulyq saqtau ministrlıgınıŋ baspasöz qyzmetı Soidyŋ öz erkımen qyzmetınen bosatylǧanyn aitty. Al Aleksei Soi äleumettık jelıde jazba jariialap, densaulyq saqtau salasyn ǧylym men äleumettık bastamalar arqyly damytudy qolǧa alatynyn mälımdedı. Jandos Bürkıtbaev degen kım? Jandos Bürkıtbaev 1971 jyly Jambyl oblysynda düniege kelgen. Medisina ǧylymdarynyŋ kandidaty. Asfendiiarov atyndaǧy Almaty memlekettık medisina universitetın "Emdeu ısı" baǧyty boiynşa bıtırgen. L.N. Gumilev atyndaǧy Euraziia ūlttyq universitetın "Memlekettık jäne jergılıktı basqaru" mamandyǧy boiynşa, Oŋtüstık Qazaqstan medisinalyq akademiiasyn "Farmasiia" mamandyǧy boiynşa jäne "Tūran-Astana" universitetın "Qūqyqtanu" mamandyǧy boiynşa tämamdaǧan. Eŋbek jolyn 1996 jyly Almatydaǧy qalalyq jedel medisinalyq kömek klinikalyq auruhanasynyŋ därıgerı bolyp bastaǧan. Är jyldary densaulyq saqtau ministrlıgınıŋ türlı qūrylymdyq bölımşelerınde jūmys ıstedı. Elordada qan ortalyǧyn, transfuziologiia ǧylymi-öndırıstık ortalyǧyn basqardy. 2019-2021 jyldary ūlttyq ǧylymi onkologiialyq ortalyqtyŋ basqarma basşysy boldy. 2021 jyldyŋ 22 qaŋtarynda bastap densaulyq saqtau vise-ministrı lauazymyna taǧaiyndaldy.
"Adyrna" ūlttyq portaly
