Elbasy: Otyz jyl ışınde bıraz şarua atqaryldy

Bügın memlekettık mereke – Tūŋǧyş Prezident künı. Osy oraida  Elbasy Nūrsūltan Nazarbaevtyŋ qatysuymen 2021 jyly ötken şaralarda söilegen bırqatar qanatty sözın ūsynamyz. 2021 jylǧy 7 qaŋtarda Nūrsūltan Nazarbaevqa Qazaqstan Pravoslav şırkeuınıŋ joǧary nagradasy – «Alǧys» ordenı tabys etıldı. «Täuelsızdıktıŋ alǧaşqy künderınen bastap bız toleranttylyqty, barlyq etnostar jäne dıni konfessiialar dostyǧy men senımın nyǧaitu saiasatyn ūstandyq. Bırlık pen dostyq – tūraqtylyq pen damudyŋ kepılı». 2021 jylǧy 10 qaŋtarda Qazaqstannyŋ Tūŋǧyş Prezidentı Nūr-Sūltan qalasyndaǧy №115 sailau uchaskesıne bardy. «Otyz jyl ışınde bıraz şarua atqaryldy. Ynta-jıger men bereke-bırlıktıŋ arqasynda bırtalai jetıstıkke qol jetkızdık. Eŋ bastysy – bız memlekettıŋ negızın qaladyq». 2021 jylǧy 11 qaŋtarda Elbasy Nūrsūltan Nazarbaev «Nur Otan» partiiasynyŋ respublikalyq sailaualdy ştabyna bardy. «Älemde koronavirus ındetıne şaldyqqandar sany artuda. Düniejüzılık bank älemdık ekonomikanyŋ qūldyrauy men jūmyssyzdyq ösedı dep boljap otyr. Būl jaǧdaida bırtūtas saiasi küştıŋ ainalasyna toptasqan qoǧam ǧana jeŋıske jetedı». 2021 jylǧy 11 qaŋtarda Nūrsūltan Nazarbaev Qazaqstan halqy Assambleiasynan Parlament Mäjılısıne sailanatyn deputattarǧa dauys beru räsımıne qatysty. «Qazaqstan halqy Assambleiasynan Parlament Mäjılısıne ūsynylyp otyrǧan toǧyz kandidat – Qazaqstanda tūratyn türlı etnos ökılderı. Bız Assambleiany saqtap, onyŋ instituttarynyŋ damuyn qamtamasyz etuımız kerek. Osy 25 jyldyŋ ışındegı qyzmetı men qoldauy üşın barlyq Assambleia müşelerıne rizaşylyǧymdy bıldıremın. Tek bırlıktıŋ arqasynda bız tolaǧai tabysqa jetıp, Qazaqstandy örkendetemız». 2021 jylǧy 3 aqpanda Qazaqstan Respublikasynyŋ Tūŋǧyş Prezidentı – Elbasy Nūrsūltan Nazarbaevtyŋ töraǧalyǧymen Qauıpsızdık Keŋesınıŋ otyrysy öttı. «Ekonomikalyq, tehnologiialyq, äleumettık ahual men syrtqy jaǧdailar qalai özgerse de, bızdıŋ eşqaşan myzǧymaityn ūlttyq müddelerımız bar. Būl – Qazaqstannyŋ egemendıgı, aumaqtyq tūtastyǧy, bırlık, saiasi tūraqtylyq, azamattardyŋ äl-auqaty jäne äleumettık ädıldık. Ūlttyq qauıpsızdık strategiiasy osy qūndylyqtardy qorǧauǧa, biyl 30 jyldyǧyn atap ötıp jatqan Täuelsızdıgımızdı nyǧaituǧa negızdelgen». 2021 jylǧy 31 nauryzda Elbasy Türkıtıldes memleketterdıŋ yntymaqtastyq keŋesınıŋ beiresmi sammitıne qatysty. «Menıŋ ūsynysym boiynşa «Türkı älemınıŋ keleşegı – 2040» qūjaty der kezınde äzırlendı dep esepteimın. Būl qūjatty biyl küzde Türkiiada ötetın kezektı sammitte qabyldaimyz. Bakudegı sammitte Keŋestı Ūiym deŋgeiıne köterudı ūsynǧan bolatynmyn. Sol maŋyzdy ūsynysty qoldaǧandaryŋyz üşın barşaŋyzǧa alǧysymdy bıldıremın». 2021 jylǧy 28 säuırde Qazaqstan Respublikasynyŋ Tūŋǧyş Prezidentı – Elbasynyŋ töraǧalyǧymen Qazaqstan halqy Assambleiasynyŋ XXIX sessiiasy öttı. «Qazırgı naryqtyq ekonomikany jaŋadan qūrdyq, ırgelı reformalar tabysty jüzege asty. Sonyŋ arqasynda Qazaqstan älemdegı damyǧan 50 memlekettıŋ jäne tabys deŋgeiı ortaşadan joǧary elderdıŋ qataryna qosyldy. Elımız jahandyq ūlttar qoǧamdastyǧynyŋ bedeldı ärı senımdı müşesıne ainaldy – kök tuymyz Bırıkken Ūlttar Ūiymynyŋ ştab-päterınde jelbırep tūr. Bız halyqaralyq arenada özımızdıŋ ūlttyq müddelerımız ben basymdyqtarymyzdy jüielı türde qorǧap kelemız. Qazaqstannyŋ memlekettık şekarasy zaŋ jüzınde bekıtılıp, ony älemnıŋ barlyq elderı moiyndady». 2021 jylǧy 11 mamyrda Nūrsūltan Nazarbaev Muzykalyq drama teatrdyŋ aşylu räsımıne qatysty. «Türkıstan qazırgıdei jaŋǧyrudy būryn-soŋdy basynan ötkızıp körgen emes. Tanymastai bolyp özgerdı. Būl jer qazaqstandyqtar üşın ǧana emes, barlyq turister üşın de bıregei mekenge ainalady». 2021 jylǧy 19 mamyrda Qazaqstan Respublikasynyŋ Tūŋǧyş Prezidentı – Elbasynyŋ töraǧalyǧymen Qauıpsızdık Keŋesınıŋ otyrysy öttı. «Şekarany barlyq qauıp-qaterden qorǧaudy qamtamasyz etu kerek. Şekara qyzmetı men Qaruly Küşterdı qūru özara üilesımdı ärı bıryŋǧai standart boiynşa jürgızıluge tiıs. Sonymen bırge şekaralyq qauıpsızdık mäselesın keşendı, jüielı türde qarastyrǧan jön». 2021 jylǧy 21 mamyrda Nūrsūltan Nazarbaev Joǧary Euraziialyq ekonomikalyq keŋestıŋ otyrysyna qatysty. «Senımdı serıktestermen jäne odaqtastarmen bırlesıp qana elderımızdıŋ ekonomikalyq qauıpsızdıgı men täuelsızdıgın qamtamasyz etuge bolady. Euraziia ekonomikalyq odaǧy qūrylǧannan berı ūiym müşelerı eŋ kürdelı jaǧdaida da özara mämılege kelıp, bır-bırın qoldaityn serıktester ekenın körsettı. Qazırgı jaǧdaiǧa bailanysty bız integrasiia men özara tüsınıstıktı būdan da arttyra tüsuımız kerek». 2021 jylǧy 2 şılde de Nūrsūltan Nazarbaev elordanyŋ «jasyl beldeuınıŋ» damu barysymen tanysty. «Tabiǧatty aialap, tazalyq saqtau qajet. Aǧaştardy örtten qorǧap, joiylyp ketuıne jol bermeu kerek. Mūnyŋ bärı özımızdıŋ balalarymyz üşın, keler ūrpaqtyŋ igılıgı üşın jasalyp jatyr. Olar osyndai keremet syi qaldyrǧanymyz üşın bızdı maqtan tūtatyn bolady. Tuǧan jerge degen mahabbat – qazaqstandyq patriotizmnıŋ maŋyzdy bölıgı». 2021 jylǧy 8 qyrküiekte Elbasy BŪŪ Bas Assambleiasynyŋ joǧary deŋgeidegı plenarlyq otyrysyna qatysuşylarǧa ündeu joldady. «Osydan otyz jyl būryn men älemdegı eŋ ırı iadrolyq poligonnyŋ bırı – Semei iadrolyq poligonyn jabu turaly Jarlyqqa qol qoidym. Būl adamzat tarihynda iadrolyq synaqtar ötkızuge zaŋdyq tūrǧyda tyiym salǧan alǧaşqy şeşım edı. Semei poligonynan keiın dünie jüzı boiynşa basqa da poligondar jabyldy nemese toqtatyldy. Iаdrolyq synaqtarǧa tyiym salu jahandyq sipatqa ie boldy». 2021 jylǧy qaraşada QR Tūŋǧyş Prezidentınıŋ töraǧalyǧymen «Nur Otan» partiiasy Saiasi keŋesınıŋ keŋeitılgen otyrysy öttı. Onda Nūrsūltan Nazarbaev partiia töraǧasy retındegı öz ökılettılıgın el Prezidentı Qasym-Jomart Toqaevqa beru turaly şeşım qabyldady. «Men partiiamyzdyŋ negızın qalap, oǧan osy jyldar ışınde basşylyq ettım. «Nur Otan» partiiasyn el Prezidentı basqaryp, onyŋ saiasaty men strategiiasyn özı aiqyndap otyruy maŋyzdy ekenın jaqsy bılemın. Būǧan deiın de solai boldy. Bız partiia Jarǧysyna süiene otyryp, şeşım qabyldauymyz kerek. Būl – bızdıŋ bırlıgımızdı körsetetın qadam», – dedı Elbasy.