Beıneý polıtehnıkalyq kolledjiniń ujymy men stýdentteri bir otbasynyń órtenip ketken páterin jóndep berdi. Qaıyrymdy isti uıymdastyrýshylar Alǵys aıtý kúni qarsańynda aýyzbirshilik tanytyp, qıyn jaǵdaıǵa tap bolǵan otbasyǵa kómek berýdi jón kórgenderin aıtady.
«Kolledj basshylarynyń aıtýynsha, osydan bir jarym aı buryn polıtehnıkalyq kolledjdiń birinshi kýrs stýdenti Aıgerim Túgelbaevanyń úıi órtke oranyp, bir otbasy qıyn jaǵdaıǵa tap bolǵan. Tilsiz jaý búkil páterdi sharpyp ótip, turýǵa jaramsyz bolyp qalǵan.
Ol qyzdyń anasy – jalǵyzbasty ana. Aıgerimnen basqa birinshi synypta oqıtyn inisi bar. Anasy vahtalyq ádispen jumys isteıdi. Órt shyqqan kúni anasy úıde bolmaǵan. Órt sóndirýshileriniń aıtýynsha, jalyn toqtyń tuıyqtalýynan shyqqan. Negizi osy ıgi isti bastaǵan kolledj stýdentteri men kýratory Qınaıatova Ǵalııa. Olar aqsha jınap, páterdi ózderi jóndegen. Bir bólmeli páterdi úsh aptada on úsh stýdent jóndep berdi. Mektep ujymy kómek retinde 100 myń teńge jınap berdik. Munan bólek kıim-keshek, turmysqa qajetti zattar berildi. Aýyl azamattarynyń biri – terezesin, biri – esigin alyp berip kómektesti», – deıdi Beıneý polıtehnıkalyq kolledji dırektorynyń orynbasary Aqjarqyn Ózbekova.
sn.kz
