Oŋtüstık Qazaqstan oblysynda 6 mln teŋgenı tauyp alǧan jıgıt ony iesıne qaitarǧan. Özı balalar üiınde ösken Samat Bekebaev osylaişa jalǧyzbasty anaǧa qaiyrym tanytqan. Būl turaly QazAqparat saityna aqşasyn joǧaltqan Äigerım esımdı äjei habarlasyp, alǧysyn jetkızdı.
«Men qūjatym men aqşamdy joǧalttym. Ony Samat Bekebai esımdı jıgıt äkep berdı. 6 mln teŋgege üiımdı satyp edım. Keiın aqşamdy auylǧa alyp bara jatqan jerımnen joǧalttym. Būl bala menıŋ qūjatymdy tauyp alǧan, ışınde menıŋ äpkemnıŋ nomerı bolatyn. Soǧan xabarlasyp, menı tauyp aldy. Aqşamdy qaitardy. Özı jaqynda balalar üiınen şyqqan eken», - dedı Äigerım äjei.
Belgılı bolǧandai, jas jıgıt sol künı Şardara audanynan qaityp kele jatqan eken. Taksige mıngende Äigerım esımdı äiel otyrǧan. Ekeuı jol boiynda äŋgımelesıp kelgen. Şymkentke jetkende äjei tüsıp qalypty.
«Şymkentke kelgende apa zattaryn alyp, tüsıp kettı. Artynan men tüsıp, kölıktıŋ jük salǧyşynan zattarymdy aldym. Qarasam onda bır qara sömke qalyp qoiypty. Menıŋ zatymnyŋ janynda bır qara sömke tūr eken. Taksi jürgızuşısınen sūrasam, ol menıkı emes dedı. Sol kezde apanyŋ zaty ekenın anyq bıldım. Öitkenı ol kölıkte tek üşeumız otyrǧan edık. Qara sömkenı alyp, üige aparyp qoidym. Işın aşyp qarasam, däpter men oramalǧa oralǧan köp aqşa tūr eken. Öz közıme özım senbedım. Sebebı, ömırımde ondai aqşa ūstaǧan emespın. Qaita orap qoidym da däpterdı aqtardym. Sosyn ışındegı nömırlerge habarlasyp, apanyŋ mekenjaiyn sūradym. Araǧa 4-5 kün salyp, Şardara audanyna qaita bardym. Apaǧa qara sömkesın tapsyryp qaittym. Soŋynan riza bolyp maǧan rahmet retınde 56 myŋ teŋge berıp jıberıptı», - dedı Samat Bekebaev.
Jas jıgıt köp aqşany körgende är türlı oi kelgenın de jasyrmady. Bıraq adamgerşılıkten attap kete almaǧanyn aitady.
«Aqşasyn aparyp bergenım de jaqsy bolǧan eken. Sebebı zeinet jasyndaǧy äjeidıŋ asyrap alǧan mügedek qyzy bar eken. Sony emdetemın dep üiın bankke kepılge qoiyp, qomaqty nesie alypty. Alaida ol qaryzyn tölei almaǧan. Bolmaǧan soŋ, auyldaǧy jalǧyz üiın satyp, jarty aqşasyna banktıŋ qaryzyn jauypty. Qalǧan aqşasy sol qara sömkede bolǧan eken. Oǧan osy qaladan bır bölmelı päter alamyn dep josparlap jürgenın aitty. Qalai bolǧanda da jaqsylyq jasap, jaman bolmadym. Sol aqşany aparyp bergen künnıŋ ertesıne bır kısı habarlasyp, päter kezegınde tūrǧan maǧan üi berıletının aitty. Quanyp kettım. Qazır sol bır bölmelı üiımdı alyp, osynda tūryp jatyrmyn», - deidı jas jıgıt.
Ainūr Aqbaev
matritca.kz
