Kentauda joǧary synypta oqityn ekı qyz sözge kelıspei qalǧan. Arty janjalǧa ūlasyp, mektep aulasynda töbelesken, dep habarlaidy "Adyrna" ūlttyq portaly "Otyrar.kz" saityna sılteme jasap.
Būl oqiǧa videoǧa tüsıp qalǧan. Kadrda bır qyz ekınşı qyzdyŋ şaşynan jūlyp, basynan ūrǧylap jatyr. Al videony tüsırıp tūrǧandar ajyratudyŋ ornyna töbelestı qūptap tūrǧanyn köruge bolady.Atalǧan derek boiynşa 17 jeltoqsanda Kentau qalasyndaǧy polisiiaǧa jäbırlengen qyzdyŋ anasy aryzdanǧan. Aituynşa, qyzy türlı dene jaraqatyn alǧan.
Būl fakt Kentau qalasynyŋ polisiia bölımşesıne tırkelıp, polisiia qyzmetkerlerı men mektep äkımşılıgı kämeletke tolmaǧan qyzdardyŋ ata-analarymen de jinalys ötkızdı.Belgılı bolǧandai, mekteptıŋ joǧary synyp oquşylary sözge kelıspei qalyp, keiın däl mektep aulasynda töbelese bastaǧan. Oqiǧadan keiın qyz türlı jaraqattarmen auruhanaǧa tüsken.
Qūqyq būzǧan jasöspırımderdıŋ ata-analarynyŋ jauapkerşılıkterın qarau maqsatynda, QR ÄQBtK-nıŋ 435-baby boiynşa qūjattar jinaqtalyp jatyr. Jasöspırım qyz därıgerdıŋ rūqsatymen auruhanadan şyqqan soŋ, qūjattar saraptamaǧa joldanady. Sarapşylardyŋ qorytyndysymen zaŋdy şeşım qabyldanatyn bolady.
"Adyrna" ūlttyq portaly
