Elımızge belgılı toptamaşy-etnograf Bahargül Tölegenqyzy özınıŋ Facebook paraqşasynda Täuelsızdıgımızdıŋ mereitoiymen tūspa-tūs kelgen jeke jetıstıkterımen bölıstı.
Otbasyndaǧy quanyştarmen bırge ol «Ädemı-ai» kompaniiasyna 20 jyl tolǧanyn atap, onyŋ basty tabystaryna toqtaldy.
«Aituly merekemen qatar ūlttyq qūndylyqtarymyz ben salt-dästürımızdı nasihattap kele jatqan Ädemı-ai kompaniiasyna – 20 jyl toldy. Kompaniiamyzdyŋ halyqqa ūsynar kädesyilary jaŋa tartymdy toptamalarmen tolyqty. Nūr-Sūltan jäne Almaty qalalarynda osy jaŋa toptamalardyŋ tūsauyn kesu saltanatyn ötkızdık. Taraz qalasynda kompaniiamyzdyŋ filialy aşyldy», – dedı Bahargül Tölegenqyzy.
Sonymen qatar, käsıpkerdıŋ aituynşa jalpy oqyrmanǧa arnalǧan motivasiialyq esse retınde jazylǧan «Qazaq qyzymyn» atty eŋbegı jaryqqa şyqty. Ol jerde avtor qazaqtyŋ salt-dästürın nasihattau maqsatynda auqymdy sūhbattar bergen eken.
Jazbaǧa sensek Bahargül Tölegenqyzynyŋ eŋbegı memleket tarapynan elenıp, ol Täuelsızdık qarsaŋynda Memleket basşysy Qasym-Jomart Toqaevtyŋ Jarlyǧymen Qazaqstan Respublikasynyŋ «Eŋbek sıŋırgen qairatkerı» qūrmettı ataǧyna ie bolǧan. Öz sözınde posttyŋ avtory qoldau körsetıp kele jatqan Nūr Otanǧa alǧysyn bıldırıp, osy partiia qataryna qosylatynyn mälımdedı.
«Atalǧan ıs-şaralarda jäne salt-dästürımızdı keŋınen nasihattauǧa qoldau körsetıp kele jatqan Nūr Otan partiiasyna ülken alǧysymdy bıldıremın. Al özderıŋız bıletındei, men būǧan deiın «Auyl» partiiasynyŋ müşesı boldym. Alaida halyqty bereke men bırlıkke bastaǧan bileuşı partiianyŋ är azamatqa berer mümkınşılıgı mol ekenıne, naqty ısterıne köz jetkızdım. Sondyqtan da Nūr Otan partiiasyna müşe bolamyn dep şeşım qabyldadym. Aldaǧy uaqytta Nūr Otanmen bırge ūlttyq qūndylyqtarymyzdy ūlyqtauǧa arnalǧan mädeni ıs-şaralarda belsendılık tanytyp, jemıstı eŋbek atqaratynymyzǧa senımım mol», – dedı Ädemı-ai kompaniiasynyŋ prezidentı.
Söz soŋynda Bahargül Tölegenqyzy köptı el müddesı men jarqyn bolaşaq üşın qyzmet etıp, ūlttyq qūndylyqtarymyzdy ūlyqtap, älemge qazaqty azattyq süigış, ruhy biık, namysy berık halyq retınde tanytuǧa şaqyrdy.
