ERG qūramyndaǧy «Qazhrom» TŪK» AQ filialy – Aqtöbe ferroqorytpa zauytynyŋ qyzmetkerı Äli Qojalepes köp jyldan berı brigadir bolyp ısteidı.
Äli 22 jasynda zauyttyŋ daiyn önım sehyna jūmysqa ornalasqan. Sol uaqyttan berı jetı jyl öttı. Bastapqyda metall ūsatqyş, keiın brigadir bolyp jūmys ıstedı. Tıptı auysym şeberınıŋ de qyzmetın atqardy. Alaida byltyr eŋbek demalysynda jürıp, özın jaisyz sezıne bastaǧan soŋ, därıgerge qaralady. Nätijesınde Älidıŋ boiynan pnevmoniiadan bölek ökpesınen tua bıtken patologiia anyqtalǧan.— Būǧan deiın densaulyǧym syr berıp körmegen. Bälkım pnevmoniia sol aurudy uaqytyly anyqtauǧa kömektesken şyǧar. Söitıp qyrküiek aiynda bırınşı ota jasattym. Jūmysqa qaityp oraldym da, qaraşa aiynda qaitadan auruhanaǧa jatuǧa tura keldı. Ekınşı otadan keiın qalalyq komissiia maǧan 3-top mügedektıgın taǧaiyndady. «Älı de jaspyn, aldymda ne kütıp tūr?» degen türlı oilar mazalady. Sebebı zauyttan basqa jerde jūmys ıstep körmedım, bolaşaǧymdy käsıporynmen ǧana bailanystyrdym. Otbasym bar, jarym bala kütımıne bailanysty eŋbek demalysyna şyqty. Sondyqtan mügedektık taǧaiyndaǧanda, töbemnen su sepkendei köŋıl-küiım tüsıp kettı. Därıgerlerdıŋ nūsqamasy boiynşa zauytta jūmys ısteuıme tyiym salyndy, — deidı 29 jastaǧy Äli Qojalepes.
Degenmen Äli qamqorlyqsyz qalmady, käsıporyn basşylyǧy kömekke qol ūşyn sozdy. «Halyqtyq baqylau» jobasyna qatysyp, üiden jūmys ısteitın beinebaqylau operatory boluǧa ūsyndy. Baqylauşy noutbukpen, modemmen, internetpen jäne telefonmen jabdyqtalǧan. Zauyt internet pen telefon bailanysyn öz esebınen töleidı. Al käsıporynnyŋ IT-qyzmetı qaşyqtan jūmys ısteitın paidalanuşylarǧa tehnikalyq qoldau körsetedı.— Künıge tört saǧat jūmys ısteimın, — deidı baqylauşy. – Qolymda noutbuk jäne Wi-Fi, iaǧni qalaǧan bölmeme kırıp, özıme yŋǧaily jerde otyramyn. Beinekameralar arqyly bırınşı, ekınşı jäne törtınşı sehtaǧy öndırıstık prosestı baqylaimyn. Qauıpsızdık tehnikasy oryndalmai, kemşılıkter anyqtalyp jatsa, suretke tüsırıp, tırkep alamyn. Auysymym bıtken soŋ, esebımdı seh basşylaryna, özımnıŋ jetekşıme joldaimyn. Köbıne qyzmetkerler közıldırıktı dūrys kimeidı nemese qūral-jabdyqtardy qarausyz tastap ketedı. Osyndai ūsaq-tüiek kemşılıkter ǧana anyqtalady. Äzırge zauyt basşylyǧy Älimen bır jylǧa kelısımşart jasaǧan. Eger medisinalyq komissiia onyŋ saulyǧyn rastap, qaitadan mügedektıktı taǧaiyndamasa, onda Äli ferroqorytpany fraksiiaǧa bölu jäne tieu bölımşesıne qaityp oralady.
«Adyrna» ūlttyq portaly.
