«Otbasy bankı» jer telımın satyp alu üşın zeinetaqy jinaqtaryn paidalanu mümkındıgın ıske qosty, dep habarlaidy LS.
Bank basşysy Läzzat İbragimovanyŋ aituynşa, mämıle jeke tūrǧyn üi qūrylysy, jeke qosalqy şaruaşylyq üşın taǧaiyndalǧan maqsatpen jüzege asyryluy mümkın.
"Bügın, 22 jeltoqsanda bız būl aitylǧan dünienı maqsatty türde platformada ıske qosudy josparlap otyrmyz. 24 aidyŋ ışınde būl uchaskede üi tūrǧyzyp, öz josparyn rastau üşın bankke qūjattardy tapsyru qajet", - dep tüsındırdı ol.
Būl rette İbragimova bankke paidalanuǧa qabyldau aktısı men jyljymaityn mülıkke tırkelgen qūqyqtar (auyrtpalyqtar) jäne onyŋ tehnikalyq sipattamalary turaly anyqtama beru qajet ekenın tüsındırdı.
Qūjattar enpf-otbasy.kz platformasynda onlain berıledı.
Būǧan deiın «Otbasy bankı» basşysy tūrǧyn üi naryǧyndaǧy baǧa ahualynyŋ qalai özgergenı turaly öz pıkırın aitqan bolatyn.
”Adyrna” ūlttyq portaly
