Basty bet
Jaŋalyqtar
Qazaqstan azamattary Türkiiadan jappai üi satyp aluda

Qazaqstan azamattary Türkiiadan jappai üi satyp aluda

23.12.2021

3542

https://adyrna.kz/content/uploads/2021/12/0230e5ed-d794-4b83-bed3-58d8a2abfe02.jpeg

Türkiiada Qazaqstan azamattary Jerorta teŋızı jaǧalauynan päterler men villalardy belsendı türde satyp alyp jatyr, - dep habarlaidy “Adyrna” ūlttyq portaly KTK telearnasyna sılteme jasap.

Türık aqparat qūraldary mälımetınşe, keiıngı bır aida 300-ge juyq qazaqstandyq teŋız jaǧalauynan päter satyp alǧan. Būl eldıŋ ırı qalalary men Soltüstık Kiprdı esepke almaǧanda.
Rieltorlar statistikasy boiynşa, tek Türkiianyŋ Jerorta teŋızı jaǧalauyna qazırdıŋ özınde myŋdaǧan qazaqstandyq qonystanǧan.
"2021 jyldan berı jyljymaityn mülık baǧasy 30 paiyzǧa, jaldau aqysy 50 paiyzǧa östı. Degenmen baspanaǧa sūranys tömendegen joq. Ony, negızınen, şeteldıkter satyp alady. Eŋ köp sūranys reseilıkter men qazaqstandyqtar arasynda", - dedı rieltor Djihangir Gokler.
Şeteldıkter üşın tūrǧyn üi satyp alu Türkiiada tūruǧa rūqsat aluǧa mümkındık beredı. Būl satyp aluşylardy tartady.
"Būl jerde 50h50. Mūnda tūruǧa keletınder bar. Demaluǧa keletınder bar", - deidı rieltor Mirbek Tūrmaǧambetov.
Degenmen qazaqstandyqtar Türkiiada jyljymaityn mülıktı tek investisiialyq tartymdylyq üşın ǧana satyp almaidy. Sarapşylar paiymdauynşa, osylaişa azamattar qolda bar kapitalyn saqtap qaluǧa tyrysady. Onyŋ üstıne, ondaǧy baspana ūlttyq valiutamen emes, euromen satylady.
"Qazır Türkiiaǧa belsendı türde investisiia salyp jatqan qazaqstandyqtardyŋ edäuır bölıgı sonda tūrady. Būl, negızınen taiau jyldardaǧy tūraqtylyq belgısız boluyna bailanysty: ekonomikalyq ta, saiasi da. Türkiianyŋ klimaty öte qolaily, baǧasy öte tömen, ömır süru qūny tömen, ömır süru sapasy salystyrmaly türde joǧary", - dep tüsındırdı ekonomist Rahym Oşaqbaev.
Jyljymaityn mülık agenttıkterı mälımetı boiynşa, qazaqstandyqtar Türkiiada osy aida satyp alynǧan üiler sany boiynşa qazır besınşı orynda tūr. Tek İran, İrak, Resei jäne Germaniia azamattary köş basynda.
”Adyrna” ūlttyq portaly