Shymkenttiń jedel járdem júrgizýshileri 22 jeltoqsanda narazylyqqa shyqty. Sebebi alǵan azǵantaı jalaqymyz jan baǵýǵa jetpeıdi. Onyń ústine kúnde buzylatyn kólikterdi ózimiz jóndeýge májbúrmiz deıdi. Al stansa basshylyǵy júrgizýshiler kótergen máseleden beıhabar bolyp shyqty, dep habarlaıdy “Adyrna” ulttyq portaly 31 arnanyń
Jalaqy jan baǵýǵa jetpeıdi: Jedel-járdem qyzmetkerleri narazylyq bildirdi
23.12.2021
3051
Jedel járdem júrgizýshileri tez arada basshylyq jalaqymyzdy kóterip bermese jumysqa shyqpaımyz dep bekinip otyr. Sebebi qazir alatyn aılyqtary shaılyqtaryna jetpeıdi. Aıtýlarynsha, medıınalyq mekeme usynǵan kólikter de jıi buzylady. Al stansada qajetti qosalqy bólshekter joq eken.
Ashynǵan júrgizýshiler stansada kóliktiń jarylǵan dóńgelegin jamaıtyn výlkanızaııa da joq dedi. Iaǵnı keıde kóliktiń jelin úrlep, dóńgelegin aýystyrý úshin saǵattap kezekke turady. Sózderinshe, jumys babyndaǵy mundaı qıyndyqtardyń kesirinen kómek kútken naýqasqa jedel jetý múmkin emes. Al qalalyq densaýlyq saqtaý basqarmasynyń basshysy júrgizýshiler aıtqan máseleden habarsyz bolyp shyqty. Tipti jaqynda ǵana jańa kólikter aldyq dep aqtaldy.
“Maǵan jalaqy az, 200-300 myń dep ondaı talap qoıatyn sizderdiń eshqandaı quqyqtaryńyz joq. Sebebi bizde bári zańmen, normatıvpen bekitilgen. Naqty kórsetińizder. Osy kúni men osyndaı qosalqy bólshekti satyp aldym, basqasyn. Sebebi ony satyp alýǵa tek qana osy jedel járdem podstansasynan alý kereksiz”, – deıdi Shymkent qalalyq densaýlyq saqtaý basqarmasynyń basshysy Baqytjan Pazylov.
Degenmen basqarma basshysy jalaqy kelesi jyldan bastap kóteriledi dep sendirdi. Sondaı-aq ár júrgizýshige 53 myń teńge kóleminde ústemaqy beriledi eken. Al qosalqy bólshekterdi satyp alamyz degen ýájderine qatysty ishki tekserý jumystary bastaldy.
“Adyrna” ulttyq portaly
Басқалармен бөлісе отырыңыз
Pikirler
