Elımızdegı eŋ ırı balmūzdaq öndıruşı kompaniia qorşaǧan ortany büldıruın qoiatyn emes. «Şin-Lainnan» şyqqan gavnovozdar bar qaldyǧyn ortalyq kärız jüiesıne qūiyp ketedı eken. Himiialyq qospa, türlı boiauşylar qoldanatyn käsıporynnyŋ öz kärızı boluy tiıs. Bıraq Şin-Lain ekologiiany emes qaltanyŋ qamyn oilaityn siiaqty.
Soŋǧy uaqytta būl kompaniianyŋ basy daudan arylmai keledı. Osy jazda Ile audanynda jaŋa zauytynyŋ qūrylysyn jürgızıp jatqan «Şin-Lain» jol boiyndaǧy aǧaştardy otap tastaǧan. Qoǧam belsendılerı men ekologtar kompaniia bylyǧyn aityp, onyŋ önımıne baikot jariialaudy sūrady. Aqyrynda alleia jasaisyz dep jeŋıl qūtylyp kettı. 150 tüp aǧaş otalyp, orny kök şaŋǧa kömılıp jatyr. Kölıkter aǧylyp jatqan küre jol boiynda alleia salu qai danyşpannyŋ qiialyna keldı eken? Sol jaǧy tüsınıksız.
Taǧy bır derek. Şin-Lainǧa qarasty kompaniiada jūmys ıstep, öndırıstık jaraqat alyp, aqyry sausaǧynan aiyrylǧan Jaras Tūrsynbaevtyŋ janaiqaiy eleusız qaldy. Qaqpaǧan esıgı, tozdyrmaǧan tabaldyryǧy qalmady. Otbasynyŋ jalǧyz asyrauşysynyŋ ömırıne alaŋdap jatqan eşkım joq. Ol būl kompaniiadaǧy eŋbek qauıpsızdıgı men adam qūqyǧy saqtalmaitynyn aityp qoǧamnan araşa, Şin-Lainnan ötemaqy talap etıp edı. Aryzy Eŋbek, äleumettık qorǧau jäne köşı-qon komitetıne jetkenmen, olardyŋ azuy batpai ma, älı künge tülkı būlaŋǧa salyp, onyŋ ısın aşyq qarap jatqan joq. Jaras sekıldı jaraqat alǧan basqa da adamdar da jeterlık. Şaǧym aityp barsa qorqytyp, ürkıtıp ünderın şyǧarmai tastaityn körınedı.
Üşınşıden, būl kompaniia özıne süt ötkızıp kelgen Almaty oblysynyŋ jüzge juyq fermerın laqtyryp ketıptı. Ala jazdai adal eŋbegımen önımın eş küdıksız berıp kelgen şarualar, Andrei Şinnıŋ serıktes firmasy jeme-jemge kelgende özderın bankrot jariialap, joq bolyp ketkenın alǧa tartady. Tıpten, sotqa da jügıngen. Olarǧa kemı 70 mln teŋge bereşek. Bıraq, būl taqyryp ta belgısız sebeptermen jyly jabyldy.
Törtınşıden, o basta Qyrǧyzstan naryǧynda jūmysyn bastaǧan kompaniianyŋ bylyǧy şaş-etekten. Balmūzdaqty qandai antisanitariialyq jaǧdaida saqtaǧanyn aiǧaqtaityn bırneşe siujet şyǧyp, Qyrǧyzdar būl kompaniiany quyp şyqqan. Al, bızdegı balmūzdaǧy qandai sapada şyǧyp jatqanyn teksergen organ bar ma? Aiyr qalpaqty aǧaiyndaǧydai merzımı ötken önım sörede tūrǧan joq pa?
Osynyŋ bärın köre bıle tūra kompaniia aşyq jauap beruden jaltarady. Sondyqtan qūzyrly organdardan Şin-Lainnyŋ bar bylyǧyn tekserıp, şara qoldanudy sūraimyn.
Dias NŪRAQYN.
