Torǧai auylynda rölge mas küiınde otyrǧan mektep direktory oquşy qyzdy qaǧyp kettı, dep habarlaidy “Adyrna” ūlttyq portaly.
Sputnik.kz saitynyŋ mälımetınşe, oqiǧa 20 jeltoqsan künı keşkı saǧat 18:40-tyŋ kezınde Jangeldin audanynda bolǧan.
Mäulenov pen Qūljanov köşelerınıŋ qiylysynda Volkswagen Polo markaly kölıktıŋ 62 jastaǧy jürgızuşısı 14 jastaǧy qyzdy qaǧyp ketken. Rölde auyl mektebınıŋ direktory otyrǧan.
"Medisinalyq tekserıs kezınde kölık jürgızuşısı jeŋıl därejede mas bolǧan. Tergeu şaralary jürgızılıp jatyr. Saraptamalar taǧaiyndaldy. Sonyŋ negızınde prosessualdyq şeşım şyǧarylady", - deidı poliseiler.Densaulyq saqtau basqarmasy ūsynǧan aqparatqa säikes, kölık astyna tüsken qyz bırden Jangeldin audandyq auruhanasyna jetkızıldı. Kölık ony oŋ jaq jambasynan soqqan. Oquşy qatty qorqyp qaldy. Tekserısten keiın üiıne jıberıldı. Jaraqat almaǧan. Al Qostanai oblystyq bılım beru basqarmasy direktordyŋ densaulyq jaǧdaiyna bailanysty demalys alǧanyn habarlady.
"Jūmysqa şyqqannan keiın onyŋ mäselesı pedagogikalyq etika jönındegı keŋestıŋ otyrysynda qaralady", - deidı mamandar.Qūqyq qorǧau organdary talap etse, tergeu kezınde mektep direktoryn qyzmetten şettetuı mümkın.
”Adyrna” ūlttyq portaly
