QR Bılım jäne ǧylym ministrlıgınıŋ pedagogterdı jūmysqa qabyldau qaǧidalaryna qatysty jaŋa būiryǧy QR Ädılet ministrlıgınde tırkeldı. Endı pedagogterdı jūmysqa qabyldau jaŋa formatta konkurs jäne naqty kriteriiler boiynşa jüzege asyrylatyn bolady. Būl turaly Bılım jäne ǧylym ministrı Ashat Aimaǧambetov jazdy, dep habarlaidy «Adyrna» tılşısı.
«Atalǧan özgerıster mūǧalımderdı jūmysqa ornalastyru kezınde aşyqtyqty qamtamasyz etuge, sybailas jemqorlyq täuekelderın joiuǧa jäne jūmysqa qabyldau kezınde meritokratiia qaǧidalaryn qamtamasyz etuge baǧyttalǧan. Būǧan deiın naqty ereje bolǧan joq, iaǧni mektep direktory kımdı jäne qandai körsetkışter boiynşa jūmysqa qabyldau kerektıgı turaly özı şeşetın. Bırqatar aimaqta saǧattar sanyn dūrys bölmei, üş-tört mūǧalım bır stavkaǧa qabyldanǧan jaǧdailar tırkeldı. Mūndai jaǧdailar qandai sebepterge bailanysty oryn alatynyn boljau qiyn emes. Būdan bylai bılım beru ūiymdary barlyq bos nemese uaqytşa bos lauazymdarǧa konkurs ötkızetın bolady. Būl şaǧyn jinaqty mektepterge qatysty emes. Baiqauǧa bılıktılık sipattamalaryna säikes keletın mūǧalımder qatysady»,– dedı ol.
«Adyrna» ūlttyq portaly
