Bügın aqtöbelık qyz-kelınşekterdı, analardy qūttyqtaǧan öŋır basşysy Berdıbek Saparbaev tılşılerdıŋ aldynda anasyn eske aldy. Adam üşın eŋ asyl qasiet anadan daryp, taraitynyn aityp berdı. «Men auyldyŋ balasymyn. Anam da auyldyŋ qarapaiy äielı. Menıŋ osyndai boluyma aldymen anam sebepker boldy. Anamnyŋ maǧan bergen tärbiesı zor. Onyŋ qarapaiymdylyǧy, aqköŋıldılıgı, jüregınıŋ jyluy maǧan da darydy. Oŋtüstık Qazaqstan oblysynda jūmys ıstep jürgende ata-anam Qyzylordada tūrdy. Sonda maǧan kelıp tūratyn. Sol kezde «balam, qandai tamaq ışesıŋ» dep sūraidy. «Apa, men bır oblystyŋ äkımımın, äielım bar, solar tamaq daiyndaidy» dep aitamyn. Bırden «olar men siiaqty daiyndai almaidy» dep jauap beredı. Bırınşıden, adamnyŋ boiyndaǧy bar qasiet ananyŋ aq sütımen keledı. Ekınşıden, tekke, üşınşıden, janyŋdaǧy joldasyŋa bailanysty. Menıŋ joldasym da qarapaiym otbasynan şyqqan, 40 jyldan astam uaqyt bırge kelemız. Qaida barsam da janymda jüredı. Menıŋ Saparbaev boluyma osy ekı asyl äieldıŋ äserı bar dep aita alamyn»,- dedı oblys äkımı Berdıbek Saparbaev. 
inform.kz
