Pavlodar oblysynda äkımdık 7 balanyŋ anasyn sotqa bermekşı. Atqamınerler köpbalaly ana atauly äleumettık kömektı zaŋsyz aldy dep aiyptap, 670 myŋ teŋge järdemaqyny kerı qaitarudy talap etude, dep habarlaidy «Adyrna» tılşısı «Astana» arnasyna sılteme jasap.
Mügedek balasy men küieuın baǧyp otyrǧan aqsulyq kelınşek qomaqty qarajatty qaitaruǧa qauqarsyz.
3 jyl būryn är balasyna memleketten 21 myŋ teŋge alǧanyn moiyndaidy. Äkımdık mügedek balasyna alatyn qarajatty jasyrdyŋ dep jazǧyrǧan. Amaly tausylǧan otbasy arnamyzdan araşa sūrady.
Sairagül Moldabaiqyzy – 7 balanyŋ anasy. Osydan 3 jyl būryn balalaryna alǧan järdemaqy, endı bas auruyna ainalǧan. Äkımdık ony sotqa bermekşı. Öitkenı, atauly äleumettık kömek alarda tabysyn jasyrǧan dep aiyptap otyr. Al köpbalaly ana bolsa, kırısın jasyrmaǧanyn aityp, bezek qaǧady.
Sairagül MOLDABAIQYZY, KÖPBALALY ANA:
– Nege bızdı aiamaidy? Mügedekterge nege qamqorlyq jasamaidy. Menıŋ kınäm ne sonda? Osylai zar jylap otyrǧan adamdy bılmedı, körmedı, ötırık aitady deidı. Men myna türımmen qalai ötırık aitamyn? Myna mügedek qyz arqyly senıŋ otbasyŋa tabys kırıp otyr deidı. Jatqan türı mynau. Bır tügıl, ekı mügedek baǧyp otyrmyn.Aituynşa, otbasynyŋ jalǧyz kırısı – ol mügedek balasy men küieuıne berıletın bolmaşy järdemaqy ǧana. Moiyndaryna qaryz qylyp qoiǧan 670 myŋ teŋgenı töleuge şamasy kelmeitının aitady. Osydan 2 jyl būryn da būl mäselenı kötergen bolatynbyz. Ol kezde äkımdık ökılderı qaryzdy demeuşıler kömegımen jauyp beremız dep te uäde bergen edı. Alaida, uädelerınde tūrmaǧan. Baltabai QAPPASOV, AQSU QALASY ÄKIMINIŊ ORYNBASARY:
– Būl kısı jūmys ıstedım dep aitqan joq. Bala kütımımen jürdım dedı. Tüsınıp otyrmyz. Oŋai emes. Sondyqtan men de sızge aityp otyrmyn. Demeuşılık tarapynan kömek körsetıldı. Älı de körsetemız.Al zaŋger Kamişa Esmūhamedqyzy äkımdıktıŋ äreketı zaŋsyz dep baǧalaidy. Öitkenı, şendıler özderı jıbergen qatelıktıŋ saldarynan ortaiǧan qazyna qarjysyn toltyrudy ǧana oilap otyrǧanyn aitty. Kamişa ESMŪHAMEDQYZY, ZAŊGER:
– Özınıŋ qarajaty jetıp tūrsa, memleketten qol jaimaidy jäne sūramaidy. Zaŋsyz aldy dep tanylǧany ne sot şeşımı joq. Ne ony qandai da bır qaǧaz jüzınde tergeu amaldary zaŋsyz paidaǧa kenelgenın däleldengen joq. Sondyqtan köpbalaly anaǧa 3 jyldan keiın qoiyp otyrǧan talap aryz negızsız.Aqsu qalasy äkımınıŋ orynbasary, būl problemany oŋtaily şeşemız uäde berdı. Bıraq ony qaşan oryndaityndaryn aşyp aita almaidy.
«Adyrna» ūlttyq portaly
