Temırjolda balalardyŋ qatysuymen qaiǧyly jaǧdailar jiılep kettı – soŋǧy üş künde ekı jasöspırım qaitys boldy.
Mäselen, aǧymdaǧy jyldyŋ 25 jeltoqsanynda Taraz stansiiasynda poiyz vagonynda selfi jasau äreketı kezınde 15 jastaǧy jasöspırım tüiıspelı symdaǧy toktan qaza tapty.
Osyǧan ūqsas oqiǧa bügın, aǧymdaǧy jyldyŋ 27 jeltoqsanynda Almaty stansiiasyndaǧy qabyldau-jöneltu parkınde oryn aldy. Selfi jasaǧan ekı jasöspırım joǧary kerneulı tok razriadyn aldy. Olardyŋ bırı sol jerde qaitys boldy. Atalǧan faktıler boiynşa tergeu amaldary jürgızılude.
«QTJ» ŪK» AQ qazaqstandyqtarǧa temırjol kölıgı nysandarynda mūqiiat boludy jäne öz ömırlerıne qauıp töndırmeudı sūraidy.
Temırjol kölıgı – jeke qauıpsızdık erejelerın qataŋ saqtaudy qajet etetın qauıptı aimaq. Jaiau jürgınşıler köpırlerın, tösemderdı paidalana otyryp, jaqyndap kele jatqan poiyzdyŋ joqtyǧyna köz jetkızıp baryp, belgılengen oryndardan temır joldaryn kesıp ötu qajet. Temırjoldarda, poiyz vagondarynda foto jäne beine tüsırmeŋız. Joǧary kerneulı symdardyŋ janynda, perrondarda, sürınu oŋai qauıptı jerlerde suretke tüsuge qataŋ tyiym salynady. Eşqandai da keremet kadr densaulyǧyŋyzǧanemese ömırıŋızge tatymaidy.
«Qazaqstan temır joly» ŪK» AQ baspasöz qyzmetı
