Máskeýdegi Qazaqstannyń Reseıdegi Elshisi Ermek Kósherbaev Eýrazııalyq damý ortalyǵynyń bas dırektory, saıası ǵylymdar doktory Taır Mansurovqa I dárejeli «Dostyq» ordenin tabys etti dep habarlaıdy «Adyrna» ulttyq portaly "kazembassy.ru" saıtyna silteme jasap.
Memleket basshysy Qasym-Jomart Toqaevtyń Jarlyǵymen Taır Mansurov «memlekettik jáne qoǵamdyq qyzmettegi jetistikteri jáne elimizdiń áleýmettik-ekonomıkalyq jáne mádenı damýyna, eki el arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin» joǵary nagradamen marapattaldy».
Taır Mansurov Qazaqstan basshylyǵyna joǵary nagradasy úshin rızashylyǵyn bildirip, Qazaqstan-Reseı strategııalyq áriptestiginiń negizi qalanǵan jyldarda aıtýly oqıǵalarǵa qatysqany úshin maqtanysh pen shabyttanǵanyn atap ótti.
Sondaı-aq jas dıplomattarmen tájirıbesimen bólisip, «Bıliktiń sabaqtastyǵy, synaqtary men ıntrıgalary. Qazaqstan jáne álem kóshbasshylary. Bılikti berýdiń álemdik tarıhy jáne qazaqstandyq tájirıbe» tty kitabyn syıǵa tartty.
Shara sońynda Taır Mansurov qazaqstandyqtardy kele jatqan Jańa jyl merekesimen quttyqtap, elimizge tynyshtyq pen bereke tiledi.
«Adyrna» ulttyq portaly.
