Úkimettik komıssııa Aqtaý qalasyndaǵy Yntymaq alańyna jınalǵan belsendilermen kezdesti. Bul týraly Aqparat jáne qoǵamdyq damý mınıstri Aıda Balaeva jazdy, dep habarlaıdy «Adyrna» tilshisi.
«Kezdesýde Aqtaý qalasynyń bastamashyl tobymen kelissózder barysynda qabyldanǵan sheshimder jarııalandy. Atap aıtqanda, "QazMunaıGaz"UK AQ áleýmettik jaýapkershiligi aıasynda Mańǵystaý oblysynda suıytylǵan gaz qunyn tómendetý jáne lıtrine 50 teńge baǵasyn belgileý týraly aıtyldy.
Alańda bolǵan adamdardy jaýapkershilikke tartpaý týraly kepildik berildi.
Sondaı-aq, taraptar týyndaǵan barlyq máselelerdi syndarly dıalog aıasynda jáne qoldanystaǵy zańnama sheńberinde sheshýge kelisti»,– dedi ol.
