Qazaqstanda ūstalǧandardyŋ bırı Almatydaǧy mitingıge qatysuǧa 90 myŋ teŋge ūsynylǧanyn mälımdedı. Er adamnyŋ videosyn Qazaqstan telearnasy körsettı.
"Qaŋtardyŋ 1-ınde belgısız adamdar habarlasyp, 90 myŋ teŋgege mitingıge qatysudy ūsyndy. Men Qyrǧyzstanda jūmyssyz jürgendıkten kelıstım. Olar maǧan bilet alyp berdı. 2-sı künı (qaŋtarda - esk.) Almatyǧa ūşyp keldım, menı päterge apardy. Onda men siiaqty Täjıkstan, Özbekstan azamattary boldy. Bıraq olar ne turaly aityp jatqanyn tüsınbedım. Miting bastalǧanda qorqyp kettım. Päterge qaityp kelıp, sonda tünedım. Erteŋınde elge qaitpaq bolǧanda äskeriler menı Samsy auylynda (Jambyl oblysy - esk.) ūstady", - dedı er adam.Onyŋ aituynşa, Almatydaǧy päterde onǧa juyq adam bolǧan. Oǧan qosa, memlekettık telearnalardyŋ bırı ūstalǧandardan tärkılengen qaru-jaraqty körsettı.
