Air Astana shetelde qalǵan qazaqstandyqtardy elge ákelýge bar jaǵdaıdy jasamaq. Bul týraly áýe kompanııanyń baspasóz qyzmeti jazdy, dep habarlaıdy «Adyrna» tilshisi.
«Qazirgi ýaqytta Ystanbulda 500-den astam jolaýshy qalyp otyr. Búgin bizdiń avıakompanııa Nur-Sultan-Ystanbul reısin jasaıdy. Ystanbulǵa ushyp shyǵý ýaqyty 19:05, al qoný ýaqyty shamamen 21:25 dep otyrmyz. Ystanbuldan keri qaıtý reısi 22:25 saǵatty, elge kelý shamamen 06:10 saǵatta. Barlyq jerlerde jergilikti ýaqyt kórsetilgen»,– delingen habarlamada.
«Adyrna» ulttyq portaly