ASTANA. QazAqparat - Biyl Oralda küi atasy Qūrmanǧazynyŋ 195 jyldyǧyna orai «Dombyra künın» ötkızu josparlanyp otyr. Būl turaly bügın Ortalyq kommunikasiialar qyzmetınde ötken brifingte oblys äkımı Altai Kölgınov mälım ettı, dep habarlaidy «QazAqparat» tılşısı.
Öŋır basşysynyŋ aituynşa, ūlttyq dästürdı saqtau, qaita jaŋǧyrtu maqsatynda oblysta keşendı jūmystar atqaryluda. Ūltymyzdyŋ ūly mūrasy - dombyra ünın jastardyŋ boiyna sıŋıru maqsatynda barlyq mektepterde üzılıs kezınde qazaq kompozitorlarynyŋ küilerın oinatu qolǧa alyndy. Oǧan qosa mektepterde dombyra üiırmelerı keŋeitılude. Sonymen qatar oblys, audan ortalyqtarynyŋ köpşılık jinalatyn oryndarynda muzyka mektepterınıŋ ūlt aspaptar orkestrlerı demalys künderı öner körsetude.
Aldaǧy uaqytta Bökei ordasy tarihi-muzei keşenınıŋ qūramyna kıretın Däuletkerei Şyǧaiūlynyŋ kesenesı qalpyna keltırıletın bolady.
«Jalpy, «Qasiettı Qazaqstan» tızımıne oblystan 7 ırı nysan kırse, sonyŋ bırı - osy Bökei ordasy tarihi-muzei keşenı. Oǧan alys-jaqyn elderden keletın turisterdıŋ de qyzyǧuşylyǧy airyqşa. Bökei handyǧynyŋ negızın 1801 jyly Bökei hannyŋ qalaǧany belgılı. Odan keiın Bökeidıŋ ūly Jäŋgır handyq qūrǧan. Osy jerde qazaq dalasyndaǧy eŋ alǧaşqy mektep (1841 jyly), qazynaşylyq üiı, baspahana aşylǧan jäne 60-tan astam tarihi-mädeni eskertkışter saqtalǧan. Oblys ortalyǧynan şalǧai jerde, 600 şaqyrym qaşyqtyqta ornalasqan keşende turizmdı damytu maqsatynda kışı aviasiiany, jergılıktı äue jelılerın damytudy qolǧa aludamyz. Qazırgı taŋda tehnikalyq-ekonomikalyq negızdeme jasauǧa qarjy bölındı. Osyǧan säikes būryn bolǧan äue ailaqtary qaita qalpyna keltırıletın bolady», - dedı Altai Kölgınov.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz