Qyrǧyzstannyŋ Bas prokuraturasy Almatyǧa gastroldık saparmen kelgen djaz muzykanty Vikram Ruzahunovty terrorist dep jariialap, ony moiyndatu üşın azaptaǧan qazaqstandyq qauıpsızdık qyzmetkerlerıne qatysty qylmystyq ıs qozǧalady. Būl turaly eldıŋ ädılet ministrlıgınıŋ saitynda habarlama paida boldy, dep jazady "Adyrna" ūlttyq portaly stan.kz-ke sılteme jasap.
Vedomstvo Qazaqstan bilıgınen er adamǧa zorlyq-zombylyq jasaǧandardy anyqtauǧa prokuraturadan kömek körsetudı talap ettı. Ädılet ministrlıgı oqiǧanyŋ män-jaiyn anyqtau üşın respublika basşylyǧyna resmi saual joldady.
- Apelliasiialyq şaǧymǧa videonyŋ tarauy sebep boldy. Videoda fizikalyq azaptau ızderı aiqyn baiqalady, – delıngen ministrlıktıŋ habarlamasynda.Ministrlıktıŋ paiymdauynşa, Ruzahunovqa qatysty ıs jalǧyz bolmauy mümkın jäne basqa azamattar da osyndai aiyppen arnaiy qyzmet türmelerıne jabylǧan. Ol barlyq qamauǧa alynǧan qyrǧyzdarǧa qarsy jasalǧan ärbır zorlyq-zombylyq jaǧdaiyn tekserudı talap etetınıne sendırdı.
- Azaptaudy qoldanuǧa tyiym salu – ärbır memlekettıŋ absoliuttı halyqaralyq mındetı. Mamandar men advokattardyŋ boljamdy jäbırlenuşıge kıruıne jol bermeu fizikalyq azaptau derekterı men ızderın jasyru äreketı retınde qarastyrylady, – deidı şeneunıkter.8 qaŋtarda qazaqstandyq BAQ jappai tärtıpsızdıkten keiın ūstalǧandardyŋ bırı qauıpsızdık küşterıne şabuyl jasaǧanyn jäne tonaǧanyn moiyndaǧan jazbany taratqan. Ol özın Qyrǧyzstannyŋ jūmyssyz azamatymyn dep atap, 200 dollarǧa narazylyq şeruıne qatysuǧa kelıskenın mälımdegen. Er adamnyŋ denesınde zorlyq-zombylyq ızderı anyq baiqalǧan. Köp ūzamai onyŋ Bışkektegı djaz orkestrınıŋ jetekşısı Ruzahunov ekenı anyqtaldy. Qyrǧyzstannyŋ Işkı ıster ministrlıgı muzykanttyŋ Almatyǧa gastroldık saparmen kelgenın mälımdep, ony dereu bosatudy talap ettı. Bışkektegı Qazaqstan elşılıgınıŋ janynda djazmendı qoldau mitingı öttı, Ruzahunovtyŋ ärıptesterı onyŋ ūstaluyn absurd dep atady. 10 qaŋtarda er adam qamaudan bosatyldy.
"Adyrna" ūlttyq portaly
