Qazırgı taŋda Aqtöbe oblysynda ahual tūraqty. Oblysta keşkı saǧat 23.00-den taŋǧy 7.00-ge deiın komendanttyq saǧat engızıldı. Oblys aumaǧyndaǧy barlyq avtojoldarǧa 10 blok-beket qoiyldy. Qazır blok-beketterde polisiia jäne qorǧanys qyzmetkerlerı jūmys ıstep tūr dep habarlaidy "Adyrna" ūlttyq portalynyŋ tılşısı.
Kırıp-şyǧyp jatqan jolauşylardan tyiym salynǧan zattardyŋ bar-joǧy tekserılude. Al blok-beketterde tynyştyqty saqtap tūrǧan äskerilerge jergılıktı atqaruşy organdar ystyq tamaq jetkızude.
Aita ketu kerek, būǧan deiın Aqtöbede komendanttyq saǧat tärtıbın būzǧan 400-ge juyq, şeru kezınde tärtıpsızdık ūiymdastyrǧan 11 adam ūstalsa, ötken täulıkte 89 tūrǧyn polisiia bölımıne jetkızılgen. Olardyŋ ışınde 32 adamǧa äkımşılık jaza qoldanylǧan.Jalpy Aqtöbe qalasynda bolǧan tärtıpsızdık saldarynan 14 polisei zardap şekken. Onyŋ ekeuı bügınde auruhanada jatyr.
Jedel medisinalyq järdem auruhanasynyŋ bas därıgerı Säken Qapanovtyŋ aituynşa, atalǧan auruhanaǧa medisinalyq kömek aluǧa 50-den astam adam jügıngen. Onyŋ 15-ı auruhanaǧa jatqyzylǧan. Olardyŋ qatarynda äskeriler men polisiia qyzmetkerlerı bar.Jalpy oblys boiynşa tärtıpsızdıkter kezınde densaulyǧyna zaqym kelgen azamattar turaly naqty aqparat joq.
"Adyrna" ūlttyq portaly.
