Memleket basşysy Qasym-Jomart Toqaev Qazaqstanda terroristık şabuyl daiyndalǧanyn rastaityn dälelderdı älemdık qoǧamdastyq sotyna ūsynatynyn aitty, dep habarlaidy "Adyrna" ūlttyq portaly.
Juyq arada, aldyn ala tergeuler aiaqtalǧannan keiın, bız älemdık qoǧamdastyq sotyna elımızge qarsy jürgızılgen terroristık şabuyl daiyndyǧy men ony jürgızuge qatysty qosymşa dälelder ūsynamyz. BŪŪ, EQYŪ, ŞYŪ, AÖSŞK, sondai-aq halyqaralyq gumanitarlyq ūiymdar qasköilerdıŋ, terroristerdıŋ, qylmyskerlerdıŋ zaŋsyz äreketterınıŋ tolyq ärı ädıl tergeluıne müddelı ekenıne senımdımın, - dedı Toqaev.Sonymen qatar, Memleket basşysy asyǧys tūjyrym jasaudyŋ qajetı joq ekenın aitty. Toqaev Qazaqstan būl qiyn kezeŋdı jeŋıp şyǧatynyna sengenderge alǧys bıldırdı.
Qazaqstan özınıŋ jaŋa tarihyndaǧy eŋ qiyn kezeŋdı eŋseredı dep o basta senım artqandardyŋ bärıne alǧys aitamyn. Būl, äsırese, ŪQŞŪ-ǧa qatysty. ŪQŞŪ-nyŋ Qazaqstandaǧy bıtımgerlık äleuetın yqpaldasa otyryp, barynşa qauıpsız, tiımdı ärı qysqa merzımge paidalanatynymyzǧa senımdımın, - dedı Toqaev.
"Adyrna" ūlttyq portaly
