Memleket basşysy Qasym-Jomart Toqaev elımızdıŋ ırı qalasyna jasalǧan terroristık şabuyl saldaryn öz közımen köru üşın Almatyǧa arnaiy kelgenın aitty, dep habarlaidy «Adyrna» tılşısı Aqordaǧa sılteme jasap.
Prezident Ükımettık komissiiaǧa Almaty qalasynyŋ äkımdıgımen bırlese otyryp, infraqūrylym nysandaryn, onyŋ ışınde memlekettık, qūqyq qorǧau jäne arnauly qūrylymdardyŋ ǧimarattaryn, beinebaqylau jüiesın qysqa merzım ışınde qalpyna keltırudı tapsyrdy.
Sonymen qatar zardap şekken käsıpkerlerge qoldau körsetıledı.
– Özderıŋızge mälım, Almaty – menıŋ tuǧan qalam. Osynda düniege keldım, oqydym. Aldymyzda qysqa merzım ışınde qalany qalpyna keltıru mındetı tūr. Būl – menıŋ Prezident retınde jäne elımızdıŋ azamaty retınde paryzym. Qalanyŋ qalpyna keletınıne eş kümän joq. Ükımettıŋ aldynda qalanyŋ kelbetın būrynǧydan da jaqsartu mındetı tūr. Būl öte ülken jūmys, – dedı Qasym-Jomart Toqaev.
«Adyrna» ūlttyq portaly
