«Зомбилер туралы фильмдегідей болды»: полиция ғимараты қалай қорғалды? (ВИДЕО)

5616
Adyrna.kz Telegram

Алматылық жедел уәкіл полиция ғимаратын қалай қорғағандарын айтып берді. Бұл туралы Polisia.kz жазды, деп хабарлайды «Адырна» тілшісі.

Полицейдің жеке басы оның қызмет ету ерекшеліктеріне байланысты жария етілмейді.

Майор тәртіпсіздіктер 5 қаңтар күні түстен кейін “Алматы Арена” маңында басталғанын еске алды.

– Арнайы жасақ қызметкерлері өте агрессивті және ешнәрсеге әрекет етпеген жұртты тыныштандыруға тырысты. Олар от жағып, көшені жауып тастады. Олардың мас күйінде екені көрініп тұрды. Қалай болғанда да, біз оларға жақын болдық, зомби туралы қорқынышты фильмдегідей көздері қызарып кеткен. Олар: “әкімдікке барайық” деп айқайлай бастады. Артынша бұл топ түгелдей әкімдікке қарай бет алды. Соққыға ұшыраған, физикалық зорлық-зомбылық көрген, киімдері жыртылған полиция қызметкерлерін көрдік. Шерушілер олардың дулығаларын, сауыттары мен қалқандарын алып алған. Олар барлық көлікті, соның ішінде жедел жәрдемді де тоқтатып, ішінде полиция қызметкерлері бар-жоғын тексерді. Тіпті жүксалғышты ашуға мәжбүр етті. Біз полиция қызметкерлерін ол жерден қалай да алып кету керек деп шештік, – деп еске алды полицей.

Ал кешкі уақытта жедел уәкіл лаңкестердің қаруды басып алмауы үшін ПД ғимараттарын қорғауға мәжбүр болды.

– Айналмалы жолдармен Полиция департаментіне әрең жеттік. Бізге нұсқау берілді. Біз жарық-шулы гранаталарды лақтырып, ескерту жасай бастадық. Бірақ бұл адамдар ештеңеге жауап бермеді, оларды ештеңе қорқытпады. Оқ жарақатын алған адам орнынан тұрып, департаментке қарай жүруін жалғастырды. Екі адам келіп, жаралыларды көтеріп, алып кетті. Тағы біреуі автоматын алып, бізге қарай оқ атты. Көліктермен жоғары жылдамдықпен өтіп бара жатып, оқ жаудырды, – деді майор.

Спикердің айтуынша, күрес барысында әскерилерден басып алынған КамАЗ көлігін жүргізген шабуылшы жойылды. Ауыр техниканың көмегімен полицияға шабуыл жасау әрекеті бірнеше рет қайталанды.

– Біз КамАЗ-дың қайтадан оталғанын естідік. Біреу тағы да біздің қақпамызды бұзбақ болды. Олар біздің ғимаратқа “Молотов коктейльдерін” қайта-қайта лақтырды. Департаменттің алдында үлкен ағаш өсіп тұр. Молотов коктейльдерінің бірі ағаштың бұтақтарына ілініп, ғимаратқа жетпей қалды. Адам агрессивті болды, біріншіден, толық қаруланған, бұл бейбіт шеру емес екені бірден түсінікті болды. Осы лаңкестердің шабуылына тойтарыс бере алғаным үшін полиция қызметкері болғаныма қуандым. Абырой болғанда, мен әріптестеріммен бірге шабуылға тойтарыс беріп, аман қалдым, – деп түйіндеді полиция қызметкері.

«Адырна» ұлттық порталы

Пікірлер