Батыс Қазақстан облысының әкімі Ғали Есқалиев жолдағы жылдамдық асыра айдап, ереже бұзғандардың айыппұлының бір бөлігін жол қозғалысы қауіпсіздігін арттыруға жұмсау жоспарланып отырғанын айтты. Аймақ басшысы халықты осы қорларды игеру бойынша ұсыныстарын жолдауға шақырды, - деп хабарлайды Tengrinews.kz .
БҚО әкімі Facebook әлеуметтік желісінде "Жол қауіпсіздігі. Қатысу бюджеті" атты жазба жариялады.
"Орал қаласының жолдарына бейнекамералар қосылғаннан кейін жылдамдықты бұзғаны үшін шамамен 200 миллион теңге өндірілді. Айыппұл салу жергілікті бюджетті толтыру үшін жасалмады. Құқық бұзушылықтарды адам факторының араласуынсыз түзету жол-көлік оқиғаларының санын азайтуы мүмкін, демек, облыс жолдарында біздің тұрғындардың өміріне, денсаулығына және мүлкіне деген қауіп те сейіледі», - деді Ғали Есқалиев.
Басылым жиналған қаражат өңірдегі көптеген әлеуметтік мәселелерді шешуге, бірінші кезекте жол қауіпсіздігін жақсартуға жұмсалатынын атап өтті.
"Облыс тұрғындарының жаңа қызықты ұсыныстарына 100 миллион теңгеге дейін бөлуді ұсынамын. Нақты ұсыныстарыңызды түсініктемелерде қалдырыңыз, ол жақын арада жол қозғалысы қауіпсіздігіне арналған кеңесте қаралады. Барлық сындарлы ұсыныстар дауысқа салынады», - деді БҚО әкімі.
"Адырна" ұлттық порталы
