Алматыдағы Ресей консулдығында Бучадағы қанды қырғын құрбандарын еске алуға арналған митингке қатысушылар ұсталды, деп хабарлайды “Адырна” ұлттық порталы.
Әлеуметтік желілерде тараған көптеген кадрлардан полицияның наразылық білдірушілер – «Оян, Қазақстан» қозғалысының өкілдерін ұстап алып, автозактарға салып жатқанын көруге болпды. Наразылық білдірушілердің арасында журналист Әсем Жәпішева мен белгілі белсенді Дархан Шәріп бар.
Украина жалауларын ұстаған белсенділер елшілік ғимаратының жанында қолдарын артқа байлап жатып алған. Олар осылайша Украинадағы Бучада болған қайғылы оқиғаға ортақтасатындарын білдірді. Ереуіл 3 минутқа созылған.
Фотолар: masa.media
Айта кетейік, Ресей әскерлері қаладан шығарылғаннан кейін 400-ден астам жергілікті тұрғындардың айуандықпен өлтірілген мәйіттері табылғандығы туралы ақпарат әлемді шарлап кеткен болатын. Бұл оқиға “Бучадағы қырғын” аталып кетті.
“Адырна” ұлттық порталы
