Бангладеште порт өртеніп, 40-тан аса адам қаза болды

2325
Adyrna.kz Telegram
Фото: REUTERS
Фото: REUTERS

Бангладештің оңтүстік-шығысында жүк тасымалдау қоймасында болған өрттен 40-тан аса адам қаза болды. Бұл туралы Reuters агенттігі жариялады, деп хабарлайды “Адырна” ұлттық порталы.

Басылым мәліметінше, 300-ден аса адам зардап шеккен өрт Читтагонг портынан 40 шақырым жердегі Ситакундадағы қоймада тұтанған. Өртсөндірушілер өртті сөндіруге тырысқан, алайда химиялық заттар толтырылған контейнерлер тұратын, өрт ары қарай жалғасқан. Ел билігі өрт сөндіруге армияның тартылғанын айтты.

Читтагонгтың азаматтық хирургі Мұхаммед Элиас Хоссейннің айтуынша, қаза тапқандар саны артуы мүмкін, себебі жарақат алғандар көп, жағдайлары ауыр. Ол жараланғандар арасында өртсөндірушілер мен полицейлердің де барын айтты.

Хоссейннің сөзінше, жағдайды шешуге көмектесу үшін аймақтағы барлық дәрігерлер шақырылды. Бес өртсөндіруші қаза тауып, тағы 50-ге жуық адам, оның ішінде 10 полиция қызметкері жараланған.

Өртсөндірушілер өрт сутегі асқын тотығы бар контейнерде басталып, тез арада басқа контейнерлерге тарағанын айтты.

”Адырна” ұлттық порталы

 

Пікірлер