بانگلادەشتىڭ وڭتۇستىك-شىعىسىندا جۇك تاسىمالداۋ قويماسىندا بولعان ورتتەن 40-تان اسا ادام قازا بولدى. بۇل تۋرالى Reuters اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
باسىلىم مالىمەتىنشە، 300-دەن اسا ادام زارداپ شەككەن ءورت چيتتاگونگ پورتىنان 40 شاقىرىم جەردەگى سيتاكۋنداداعى قويمادا تۇتانعان. ورتسوندىرۋشىلەر ءورتتى سوندىرۋگە تىرىسقان، الايدا حيميالىق زاتتار تولتىرىلعان كونتەينەرلەر تۇراتىن، ءورت ارى قاراي جالعاسقان. ەل بيلىگى ءورت سوندىرۋگە ارميانىڭ تارتىلعانىن ايتتى.
چيتتاگونگتىڭ ازاماتتىق حيرۋرگى مۇحاممەد ەلياس حوسسەيننىڭ ايتۋىنشا، قازا تاپقاندار سانى ارتۋى مۇمكىن، سەبەبى جاراقات العاندار كوپ، جاعدايلارى اۋىر. ول جارالانعاندار اراسىندا ورتسوندىرۋشىلەر مەن پوليتسەيلەردىڭ دە بارىن ايتتى.
حوسسەيننىڭ سوزىنشە، جاعدايدى شەشۋگە كومەكتەسۋ ءۇشىن ايماقتاعى بارلىق دارىگەرلەر شاقىرىلدى. بەس ءورتسوندىرۋشى قازا تاۋىپ، تاعى 50-گە جۋىق ادام، ونىڭ ىشىندە 10 پوليتسيا قىزمەتكەرى جارالانعان.
ورتسوندىرۋشىلەر ءورت سۋتەگى اسقىن توتىعى بار كونتەينەردە باستالىپ، تەز ارادا باسقا كونتەينەرلەرگە تاراعانىن ايتتى.
”ادىرنا” ۇلتتىق پورتالى
