Bangladeshtiń ońtústik-shyǵysynda júk tasymaldaý qoımasynda bolǵan órtten 40-tan asa adam qaza boldy. Bul týraly Reuters agenttigi jarııalady, dep habarlaıdy “Adyrna” ulttyq portaly.
Basylym málimetinshe, 300-den asa adam zardap shekken órt Chıttagong portynan 40 shaqyrym jerdegi Sıtakýndadaǵy qoımada tutanǵan. Órtsóndirýshiler órtti sóndirýge tyrysqan, alaıda hımııalyq zattar toltyrylǵan konteınerler turatyn, órt ary qaraı jalǵasqan. El bıligi órt sóndirýge armııanyń tartylǵanyn aıtty.
Chıttagongtyń azamattyq hırýrgi Muhammed Elıas Hosseınniń aıtýynsha, qaza tapqandar sany artýy múmkin, sebebi jaraqat alǵandar kóp, jaǵdaılary aýyr. Ol jaralanǵandar arasynda órtsóndirýshiler men polıeılerdiń de baryn aıtty.
Hosseınniń sózinshe, jaǵdaıdy sheshýge kómektesý úshin aımaqtaǵy barlyq dárigerler shaqyryldy. Bes órtsóndirýshi qaza taýyp, taǵy 50-ge jýyq adam, onyń ishinde 10 polıııa qyzmetkeri jaralanǵan.
Órtsóndirýshiler órt sýtegi asqyn totyǵy bar konteınerde bastalyp, tez arada basqa konteınerlerge taraǵanyn aıtty.
”Adyrna” ulttyq portaly
