Ресей Сыртқы істер министрлігі басшысының Сербияға жоспарланған сапары сәтсіз аяқталды. Көрші елдер лайнердің ұшуы үшін әуе кеңістігін жапты, деп хабарлайды “Адырна” ұлттық порталы.
Сербия президенті Александр Вучич бүгін кешке халыққа арнайы үндеу жариялайды. Онда ол Ресей сыртқы істер министрінің үзілген сапарына қатысты елдің ұстанымын айтпақ.
Лавров 6-7 маусымда Белградқа ұшуы керек еді, бірақ көрші елдер оған әуе кеңістігін жауып тастады. «Интерфакс» агенттігінің дереккөздері бұған дейін «дипломатия телепортация мүмкіндігін әлі игермеген» деп хабарлады.
Сербияның теңізге шығу мүмкіндігі жоқ. Ол сегіз елмен қоршалған. Басқа Еуропа елдері де бұған дейін Ресей Федерациясынан келетін ұшақтар үшін әуе кеңістігін жапқан.
“Адырна” ұлттық порталы
