Қызылорда облысындағы ауыл шаруашылығына жауапты шенділер 25 миллион теңге жымқырған. Қаржылай қарақшылықты ұлттық мониторинг агенттігі әшкереледі. Бұл туралы "Адырна" ұлттық порталы жазды.
Ауыл шаруашылығы шенділері бірқатар шаруа қожалығы жұмысының ұзартылғанын жазып, жалған құжат толтырған. Іске келгенде, шаруашылық үшін қажетті қондырғылардың орналастырылмай, жұмыстың еш жүрмегені анықталды.
Ұлттық қазынаға қол салғандар жалған акт жасайды, оны ауыл шаруашылығын дамытуға арналған бір бағдарламаға қосып жібереді. Нәтижесінде 25 миллион теңге қолды болады.
Қазір облыстағы ауыл шаруашылығы басшысы мен ауыл шаруашылығының бас маманы 2 жылға сотталып, ұрланған ақша ұлттық қазынаға толығымен қайтарылды.
"Адырна" ұлттық порталы
