Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti, dep habarlaıdy «Adyrna» tilshisi Aqordaǵa silteme jasap.
2023 jyly «Bolashaq» baǵdarlamasy boıynsha barlyǵy 555 stıpendııa, onyń ishinde magıstratýraǵa 395, rezıdentýra jáne doktorantýraǵa 50, taǵylymdamadan ótýge 110 stıpendııa bólindi.
Otyrysta shetelde taǵylymdamadan ótý úshin «Bolashaq» stıpendııasyn taǵaıyndaý máselesi de qaraldy. Komıssııa sheshimine sáıkes 25 azamatqa stıpendııa berildi.
Aıta ketý kerek, «Bolashaq» baǵdarlamasynyń stıpendııasyn alýǵa qujat tapsyrý bıylǵy jyldyń qyrkúıek aıyna deıin jalǵasady.
Jıyn sońynda Erlan Qarın birqatar naqty tapsyrma berdi.
